今日真係巧叻叻呀 係cairns見人踩單車好似好爽yy咁, 我當然要扮下local試試佢啦 晨早去Share house 借單車! 發現要扮local係有難度架. 1) 首先唔知係架車太高定我太矮, 對腳伸直哂都掂唔到地. 洧! 2)對上一次踩單車已經係3年前既99環(香港)島單車. 洧! 3) 目的地好似遠遠地. 洧! 最後都係憑我無比既勇氣龜速踩去esplanade練習下先 第一次經迴旋處都幾驚...每次停車都差d P, 同埋隻腳唔夠長踩地下推動第一個野 踩踩下又幾好feel wor, 仲行下停下睇下海睇下雀 enjoy the journey not just the destination 點擊圖片放大 儲夠信心之後就向距離市中心4.2km既目的地-Botanic Gardens 前進!! 成功到達!好有成功感! Botanic gardens係一個好大好organize既植物園 (免費), 鹹,淡水湖各有一個, 細心睇會發現好多野生動物架! 園內可以選擇不同的步道行走. 個人最鍾意竹子區, 有好多唔同品種, 但全部都長得很放肆既竹子. 其中有種竹因為外型美觀, 所以係園藝界中大量種植採用, 但原來野外已經搵唔到. 另外園內有特多的熱帶植物, 形態特別. Botanic gardens人流不多, 可以悠閒的逛, 又或者忘我地自拍 點擊圖片放大 +4 回程再怒踩esplanade單車徑~望下旁邊緩跑徑既人跑步, 又望下個海, 沿路仲周不時傳來bbq烤肉既香味...不得了. 點解呢個地方咁好hea架. 但因為冇前後燈, 夜晚踩可能會比警察先生罰錢, 所以入黑前擺好車. 夜晚去coles入貨再去lagoon野餐. 重點係享用esplanade免費wifi, 盡情facebook wtsapp一番(hostel wifi 超貴./.) notes 冇車既你, 可以去1) 好多hostel都有單車比入住既旅客平租/免費借 2)市中心有好幾間單車鋪可日租單車
