一大早去hostel門口咬住早餐等pick up bus. 係市內兜左一陣接多幾group人, 大約15分鐘就去左skyrail station Kuranda(庫蘭達) 位於Cairns西北方34km外，交通方便，係個一日遊熱點。呢片熱帶雨林區係一億五千萬年前的遠古時代已經形成, 係地球上保存最古老既熱帶雨林區。被聯合國教科文組織列為人類自然保護遺產。 上kuranda有好幾種方法，可以搭觀光火車，skyrail (纜車) 同巴士。好多人都會選擇火車上skyrail落，因為呢個係lonely planet 推介既路線。點解我先搭skyrail呢? 因為想去參加skyrail其中一個站既free bush walk，咁樣時間易就d 為左確認修建纜車唔會影響熱帶雨林區, skyrail既審批過程用左7年半。為左保護雨林, 工程中所有既物資運輸完全依靠直升機, 所以成本非常高 (大約3億澳元). skyrail全長7.5km，係世界上最長既遊覽纜車。 去到第一個站[Red peak]落車，發現bush walk剛開始, 即join! Guide帶大家行一圈, 講解rainforest動植物生態, 例如絞殺, 共生等,值得一行 到第二個站[Barron fall] 睇瀑布. 不過, 成個星期一滴雨都冇, 瀑布有d弱雞...但都幾靚! 仲見到彩虹同第一隻brush turkey (之後旅程見到千千萬萬隻) 到達總站[Kuranda rainforest station], 記念品幾搞鬼 點擊圖片放大 先去河邊野餐! 食完行市集. 條街係幾靚既, 亦有數個小型主題公園(另購票)不過實在吸引唔到我. 感覺上係一個似赤柱既手信大街, 而賣既野大部份都係大陸出品...所以返回河邊閒逛. 由於要搭乘3點既火車, 所以只在附近走走而沒有選擇較長的步道 點擊圖片放大 +2 回程的Kuranda Scenic Railway觀景火車巳有百多年歷史, 會經過15條隧道及37條橋, 需時約1小時45分鐘. 火車裝潢幾漂亮, 不過都幾焗. 剛開始20分鐘還很精神的看風景, 後來卻睡死了 (對面, 旁邊的人也同樣). 後記: 1)Kuranda rainforest是個已很商業化的景點, 若對大自然有興趣, 可棄Kuranda而選擇Daintree and cape Tribulation National Park既day tour 2) budget travel可搭巴士前往Kuranda 3) skyrail 可以一搭, 觀景火車不推薦 4) skyrail站不在cairns市中心, 若非join tour要自行找巴士前往 5) Kuranda除了行market也有好幾條健行路線, 感覺不錯大家可以一試 Kuranda Scenic Railway:Adult one-way from $49, return from $74, Skyrail Rainforest Cableway: One-way is $47 adults, return is $71 Shuttle buses: $8 one way link: Kuranda Scenic Railway: http://www.ksr.com.au Rainforestation Nature Park :http://www.rainforest.com.au/ Skyrail :http://www.skyrail.com.au/kuranda.html
