Day0 咩住紅背包, 出發到Terminal 2 寄大包. 今次個大包重7.2kg, nice 到jetstar counter有工作人員送機 & 同大機票影相 就好似從乜乜太平紳士手上接過大支票一樣...好實在!! 懷住中大獎既興奮, 上機! 第一次搭jetstar, 機身銀+橙非常醒目 先去新加坡轉機, 樟宜機場好大, 非常好hea 上機補眠...補眠...再補眠... 有一下醒左望出窗, 星星就係旁邊既感覺好神奇 DAY1 大晴天 就係半夢半醒既時候, 人已經到達Cairns 小小的機場, 行二步就出左去 出發前一晚上網預約左機場shuttle($12) 去到佢所講既6號車位見唔到有車, 但有另一架上面有幾個遊客既小巴向我招手, 佢話去我間hostel $5 咁我當然狗衝上車啦 機場離市中心好近. 話咁快, 大約15分鐘就到hostel門口 夾夾埋埋訓左咁耐都唔累 諗住放低野就出去行下 今次住既係 dreamtime travellers rest, 5晚3人mix dorm ($27) 亦都係唯一已係香港book既hostel... 同房一個澳洲女子由darwin過泥搵工搵屋長住; 另一個係working holiday中既英國女仔, 都係搵緊工 hea完, 出hostel一路向前行 海! 我要見到海呀!! 比個海我!! 好感動呀, 好靚既海同埋地標Lagoon 可以就咁坐係度悠閒地hea足成個下午 去搵當時還在travel agent工作的jef! long time no see! Tour真係太多啦, 攞d單張研究下先 沿住esplanade行 好靚好多雀呀! 行下坐下睇下, 時間已經差唔多7點幾. 但只係行左好短既路段咋 再搵jef, 去woolworths入貨再去佢住既sharehouse煮 好好好味呀! 第一餐食大大舊熱騰騰澳牛超滿足! 仲有大大碗雪糕飽到呢... 煎扒竟然係佢地既頹餐! 頹在那? 話說呢間sharehouse亦十分nice! 共2層, 乾淨, 唔貴, 設備齊全仲有無限wifi! 呢層有3香港&2日本人. 仲有間單人房吉左播! 試下問房東比唔比短租先 走路回hostel, good night.
