雖然餐廳喺香港已經開業多年，但係原來我係一次都未試過。喺皇室堡買完玩具，見到餐廳做緊愛文芒果祭，咁啱我同朋友都未試過呢間餐廳，又想食芒果甜品，見到餐廳裝修都好靚，可以慢慢坐低傾吓計食飯！ 🦐蕃茄明蝦意大利麵 (銅鑼灣限定) $118一上枱見到成碟都係大蝦即刻心心眼😍蕃茄肉醬醬汁少少酸好開胃而且仲採用新鮮蕃茄所以味道唔會假酸大蝦好新鮮爽彈採用幼身意粉非常掛汁 🍄意式牛肝菌香菇意大利麵 $98牛肝菌味道香噴噴醬汁唔算太creamy但都非常重牛肝菌味雖然無肉類但份量都可以食得飽飽 🧇仲夏芒果鬆餅 $113賣相靚之外芒果亦都新鮮香甜鬆餅入面加咗麻薯煙煙韌韌加埋雪糕同芒果一齊食大滿足 🍹仲夏熱帶水果茶 (冰) $52水果茶竟然可以揀凍嘅啱晒當日行到熱辣辣飲番杯超舒服 🧋皇家伯爵奶茶 (熱) $45雖然伯爵奶茶冇加糖但係伯爵味道好濃郁反而飲熱嘅奶茶令到味道更加突出一啲都唔使加糖已經夠晒甜 🥭愛文芒果祭做到7月15號咋！除咗鬆餅仲可以揀吐司㗎！ 📍 Dazzling Cafe (皇室堡) (銅鑼灣)銅鑼灣告士打道311號皇室堡3樓313-314號舖
