現代人追求健康，有時食得太多肉，都想食吓素！西式嘅素菜來來去去都係沙律為主，反而中式嘅可以多d變化！咁啱公司附近有一間上樓餐廳係食素，決定嚟一個Green Tuesday。 📋午市套餐有9款選擇，價錢$78-98，有前菜，湯，主菜同飲品，價錢相宜！ 頭盤 (二選一)🎃椰香南瓜甘筍濃湯陪香脆法包：好香濃嘅南瓜味，南瓜同甘筍打得好溶，可以加埋脆脆嘅法包一齊食🥕木瓜甘筍雪耳花生湯配和風涼拌三絲：平時好少飲素嘅中湯，原來唔加肉個味道都可以咁出！涼拌三絲仲好開胃！點擊圖片放大 🥣主菜 (九選一)🇹🇭泰式青咖喱野菜燴米意粉配吉列蒟蒻：第一次食米意粉，好似食緊risotto咁，好掛汁，青咖喱好香，小小辣，吉列蒟蒻好似食緊魷魚咁！食到停唔到口！🍍泰式鳳梨炒飯配沙嗲串燒：炒得好有泰國風味，香辣適中，份量都幾多，沙嗲串燒真係好似食緊雞肉咁！ 🍹飲品 (八選一)🇰🇷熱韓風蘆薈柚子蜜：好少柚子蜜會加埋蘆薈，有d咬口🍋熱檸檬蜂蜜生薑茶：女仔飲多d薑茶可以驅寒，加埋蜂蜜冇咁辣 除咗尖沙咀之外，荃灣都有分店，而且全間店佈置都係以紫色為主，啱晒紫色控嘅你 📍 雅 ‧悠蔬食 (尖沙咀)尖沙咀金馬倫道48號中國保險大廈3樓B號舖
