傳統嘅韓國菜好多地方都有,韓燒又太過普通,新派嘅韓式菜真係好少有,喺Times Square買完電器上到去食通天搵嘢食,見咁多人排隊,店舖嘅裝修同食物相都好吸引,一於試一試你先😎 🌮烤牛肉蛋包飯 $118 (+25 轉蟹籽蛋包飯)佢哋主打嘅蛋包飯有成5款選擇,店員會即場幫你喺蛋嘅表面切一刀,跟住就會瞬間打開變成蛋包飯。而且仲強烈推介一定要加蟹籽,話好好食,果然冇介紹錯,冇令我失望,配搭滑溜嘅蛋同軟熟嘅飯真係好好食😋烤牛肉份量亦都非常之多,醬汁嘅調配加蛋包飯係超級好食,建議兩個女仔嚟食的話叫一個就夠喇。 🐷燒醬油黑毛豬白切肉配大醬生菜 $182厚切嘅腩肉,肉質既淋亦彈牙,加埋泡菜,蒜頭,大醬,包生菜食Yummy 🍗醬油蒜頭炸雞 (半份/無骨炸雞 $128)炸雞口味有6款,可以揀有骨/無骨,半份/一份,好friendly。而且炸得外脆內嫩,唔乾又Juicy。有埋年糕同薯條,大大份,好滿足!仲有芝士醬同蜂蜜牛油醬俾你慢慢Dip! 🍰巴斯克芝士蛋糕 $45飯後嚟個basque burnt cheesecake,為非常滿意嘅呢餐劃上完整句號。 🍹士多啤梨紅桑子梳打 $42酸酸甜甜,幾好飲,加咗少少碟豆花,成杯飲品好夢幻,好igable📸☕️伯爵茶 $30食得飽飽,飲杯熱茶可以清吓油膩感。 值得一讚嘅除咗係食物質素之外,員工服務亦都非常之好,會介紹同建議有啲咩啱食👍🏻📍 반찬앤쿡 Banchan and Cook (時代廣場) (銅鑼灣)銅鑼灣勿地臣街1號時代廣場9樓922-923號舖