兩年前因為一啲原因已經好想試Sheep and Pig,而我嚟之前已經知道呢間店舖係充滿著愛同埋感情,但奈何一直未有機會同時間,當日喺銅鑼灣睇完戲就行過嚟天后搵Sheep and Pig,店舖面積唔係好大,大概可以坐到20個人,如果唔想等太耐嘅話都可以打電話嚟訂位㗎! Lunch Menu有10款可以選擇,價錢由$68-$148,以天后呢個位置來計,價錢非常之reasonable!仲會包熱檸檬茶或水! 🥩美國牛板腱配薯條 $138好少地方有得食Iron Steak,表面唔會煎到好乾,裡面仍然可以保持到半生熟,好重牛味,唔需要配特別醬汁,點小小海鹽同芥辣已經好正!伴碟嘅薯條亦都炸得好脆但唔會乾,唔覺唔覺就食晒!點擊圖片放大 🍽日式全日早餐 $148 🐠燒西京比目魚 - 味道調校得好好,無過咸,肉質好滑,真係𠽌一聲就吞到 🍙味付飯團 - 從來未食過一個飯團係咁好食,雖然加咗醬油,但都唔會好濟 🥚炸油揚溫泉蛋 - 呢個真係要比100分!第一次食呢個做法嘅溫泉蛋,好震撼,點煮㗎?點解可以咁好食?2隻真係唔夠,我想食10隻😭😭🥄芝麻醬豆腐 - 芝麻醬上加咗小小蟹籽,口感無咁寡 🍄野菜煮物 - 蘑菇,蘿蔔,粟米芯都煮得好入味,雖然係配菜但都非常出色🍅漬物 - 蕃茄有小小酸,所以會建議食咗呢個先,可以開胃d,不過就算最後食的話都可以清一清味蕾。由於佢哋嘅廚房唔算太大,希望大家可以俾多少少耐性,唔好催單,你會發現最後係等得值得嘅! 最後想同老闆們講一句,加油💪🏻🐷📍 Sheep and Pig 叁嘗 (天后)天后歌頓道1號DIVA地下1A號舖