27年係一個咩既概念？我今年33，就我自己黎講就接近係我既全部。6歲小一，上中學，考會考，做PART TIME，做FULL TIME，經歷唔同既愛情，轉下工，去日本🇯🇵咁上下。而佢，就係一個人喺森林27年。無同人講過野，無照過鏡，唔知道年月日。但分別到4季D人叫佢做隱士，佢係現今比人發現左生活得最長既一個隱士。當然可能仲有人未比人發現，其實隱居左更長既時間。未識佢之前，我覺得梭羅既湖濱散記係我偶象、2年2個月零2日。但佢都有約下人一齊食飯而ENDUP無再一個人生活，因為佢發現有其他野更重要。(其實我仲未睇過呢本書。)某程度上我同佢想法有D似，反對現有社會既價值觀，例如消費主義同資本主義。咁當然，我係心裏反，講就天下無敵，做我都係有心無力。(一個5天工作週既上班族）而佢係行動派，做得出已經好野，佢仲要一做做左27年⋯⋯佢既做法/結果，係道德上算係唔岩，但某程度上又合理。但我會覺得佢只不過係喺錯的時間出現喺世界上。佢心智完全正常，如果唔係點生存到27年。仲有好多生活/求生技能在我地之上。睇完本書，都好奇想search下佢近況。但終究佢都係隱士性格，我又點會知道呢⋯⋯未必係一個好好既故事，但至少我會記得呢本書，同呢個人。
