反送中, 令香港出現好多史無前例, 影響經濟. 宜家呢個疫情, 將史無前例推到"國際化"! 4大聯賽/歐聯/歐國/等決定, 全球各地既波友一定最關心不過, 仲有奧運(點解日本可以咁黑仔..) 真係唔知點收科... 當中既利益層面太多了...似乎係唔會做到一個絕對公平既結果. 當然本身呢個世界就無絕對公平. 我個人好期待各個國家最終既決定會係點, 又係足球界上既一個歷史! 人性上, 你笑深水埔D呀婆搶廁紙? 澳洲, 英國其他歐洲地區咪又係咁... 你笑人搶米? 呢個可能係我地錯, 因為人地意大利人應該係搶意粉既. 經常講過, 科技呢幾十年實在進步得太快了...而人類既大腦真無進步過... 人性既自私/貪念一直都有, 只係程度上既問題. 最終為求經濟目的, 去破壞同消耗地球既資源, 我地呢一代應該無事. 但長遠就只係自食其果. (真老土既講法) 文化上, 口罩真係大不同啦, 歐洲人到呢分鐘都唔興戴... 事實上從數字上已經可以慢慢反映到. 呢方面不得不讚香港人守得好, 意識好! 有D黑心...但有同朋友分享過如果呀譚仔(譚塞德)中左就真係最諷刺既結果了... 當然, 希望人人都身體健康啦! 香港人, 大家加油吧! 共勉之.
