各位球迷，相信大家都和我一樣非常熱烈期待今晚12：30既大戰！ 名符其實既6分波，利物滿主場對曼城！！！ 但我想講既，反而係曼聯。。。真係唔好意思。 本人係支持摩連奴既，幾年前佢接手曼聯，眼見有上季入2十幾球既盧卡古， 當FIT射手山齊士，超強天才中場普巴。 XXXX！（自己填上） 佢地係勁呀！未去曼聯之前咪勁LAW！ 有邊個估到會係咁？ 之後幾年既成績到宜家大家都好清楚，唔洗多講！ 今年，又主場輸比水晶宮，又輸比般茅，又咩半年作客無贏過。 成日比其他球迷恥笑。。咁點呀？ 我就係想用佢比喻人生，你以為自己條件好好，諗住掂啦，結果未必如你所願。 好似曼聯咁，去撚到前4/前6/上半板/到去到下半板。 咁可以點呢？ 咪都係一樣要踢，輸又點？場場啞火又點？ 都係要跟留個賽程下星期向晴朗的一天出發。 係呀，人生都一9樣，你返工表現差，失戀，病左，同朋友反面， 甚至面對婚姻失敗，老病死的痛。 你，係呀，你呀！ 你一樣有前面既路要行，恥辱性輸左又點？再輸又點呀？SO WHAT！ 下星期一樣要踢，呢季完左又有下一季。 人生都係一樣，不如意事十常八九，日子都要過。 好好享受球賽每一刻，每個過程， 用心感受生命每一分鐘，活在當下， 共勉之！ 利申：今場支持曼城
