2020年過了一半，將近半年沒有離開過香港，相信好多人都好懷念坐飛機周遊列國的日子。 2019年去左5個旅行，最令我驚喜的係9月份的峴港遊。 峴港，近年興起的旅遊勝地，八個字形容：椰林樹影，水清沙幼 沿路上都係海，基本上唔會見到好多高樓大廈 係一個同香港好唔同既地方，非常適合慢活生活～ 當地物價非常低，無論搭車，食野，買野，都低過泰國呢 ～ 峴港非常適合懶人去，因為地方唔大，要去既旅遊勝地唔多。 唯一唔開心既地方係9月係峴港既雨季，去個幾日都落雨 T . T 唱錢方面： 事前唔使做太多資料搜集，唯一要做既準備就係要唱定美金！ 因為峴港係用美金俾錢架～ 峴港遊黎講，4日3夜/5日4夜個人覺得岩岩好，再多就無聊架啦！ 交通方面： 峴港旅行係我史上以黎行得最小路既旅行，基本上一出酒店就上車 係峴港通常都係坐Grab/的士，但係怕的士會俾人呃，亂開價既關係，都係搭Grab多 Grab係類似香港既Uber，Down個App就Call到車，超方便！ 坐上車之前就已經知道幾錢，明碼實價，唔怕俾人呃，重點係唔貴！唔貴！唔貴！ 酒店方面： 雖然係個短程Trip，但都Book左2間酒店，想享受下～ 2間都唔算貴，第2間性價比會高D同近市區多D 1。唔記得個名（跪拜） 呢間都舒服既，但係酒店規模細，房都相對比較細，屋頂有個好細既Swimming Pool 但係住個日係下雨天，無機會玩水（哭） 2。TMS Hotel Da Nang Beach, 峴港 （超推介）（係呢間住左2晚） 點擊圖片放大 +3 酒店係係expedia訂，傳送門： https://www.expedia.com.hk/Da-Nang-Hotels-TMS-Hotel-Da-Nang-Beach.h29282295.Hotel-Information?langid=3076&EMLCID=HK.PT.EVENTTRIGGEREDMAILING.ENSPURCHASECONFIRMATION.HOTEL&EMLDTL=DATE20190810-ISSUX.SIDX.KEY94295300733.PAIDX.LANGZH_HK.MCIDX.TEST1.VERSX.MIDSX 2晚既價錢：HKD$1337.3，平均$579晚 酒店環境好舒服，好乾淨，員工英文能力不錯，完全溝通到 間酒店最吸引我既地方係：佢地有有女人最愛既Infinitely Pool！！！打卡一流～ 望住個大海影相，頓時覺得世界好美好 但係基本上個Infinitely Pool 長期都好多人係到影相同游水，所以如果要打卡既話就要早D 起身啦～ 下回繼續～
