#辛安東元祖奶奶雞係黃店#辛安東元祖奶奶雞係黃店#辛安東元祖奶奶雞係黃店# 經過過奶奶雞個門口起碼有三,四次,每次都好多人排隊(哭) 三顧茅廬後,今次的起心肝,早佐去排,終於俾我食到啦~ P.S 都等佐30分鐘有多,想去記得早啲Book位!我地太遲Book得番Walkin 奶奶家食物眾生相.....真的好好食喔媽咪~ 以下排名分先後: 辛安東元祖奶奶雞(半隻）$158 奶奶雞係皇牌產品,個人覺得係必叫!有辣度揀,因為同行友人唔食得辣,最後叫佐小辣~成碟雞都好滑,基本上係啖啖肉.中意食濃味的人一定會愛上呢碟雞~就連蘿蔔都好入味!平時唔中意食蘿蔔既我都食佐好多舊(愛).配菜除佐有蘿蔔同青瓜,仲有粉絲係碟野既深深處,又係超~入~味~必叫!必叫!必叫!必叫!必叫!必叫! 鰻魚玉子燒 $88 依架見到張相都覺得好肚餓 TvT 賣相非常吸引,煎到金黃色既玉子燒,見到都好開胃,鰻魚份量充足,真材實料~ 豚王生菜包 $88 因為唔好生菜包,所以只係食佐一舊豚肉的我無資格俾評語~我只係記得個醬好味(笑) 海鮮煎餅 $88 傳統韓卷 $48 因為太想食GimBap,所以就叫佐個傳統GimBap過下口癮. 太肚餓既關係,一上枱就俾班餓鬼鯨吞曬,無機會幫佢影大頭相,得番張做配角既相. 海鮮煎餅同傳統韓卷我個人覺得好普通,不過不失,唔難食,但係奶奶家應該有其他更好味既菜式,所以下次唔會番兜~ 因為同行三位友人太大食既緣故,我地食完上面既野食再叫多佐round野食,可惜唔記得影,太過專心享受美食(心虛). 成餐飯食得好滿足,不枉我等佐30分鐘! 注意!!!!!!可能係因為太多人排隊既關係每張枱限時1個半鐘架炸,每人最低消費都要150蚊,入門前會有人話俾你知~ 地址 旺角白布街20號地下 G/F., 20 Pak Po Street, Mong Kok 港鐵旺角站 E2 出口, 步行約6分鐘 真係好多人排隊架~記得BOOK定位 電話號碼：23320823
