星期六放假，朋友相約左我去位於黃埔既九龍海逸君綽酒店既海雲天食午餐，第一次望住維景海景飲茶，心情都特別開心(*‘ v`*)～ 餐廳裝修華麗，空間感大，而且有落地大玻璃可以睇海景，真係一個同朋友聚會唔錯嘅地方(ﾉ>ω<)ﾉ～ . 呢度嘅點心價錢合理，都有套餐可以選擇～餐廳好貼心提供左抗炎既金銀花雪梨茶，能夠清熱解毒(*´∀`)~♥ 我哋叫咗6款點心，每樣點心都整得唔錯架～ 珍寶水晶鮮蝦餃 $48 鮮蝦餃賣相唔錯，而且粒粒都好飽滿，餡料真材實料，係啖啖鮮蝦呀(✪ω✪)～ 沖繩蔗糖馬拉糕 $38 馬拉糕鬆軟可口，有蛋黃之餘仲有蔗糖味(๑´ㅂ`๑) 翡翠蜜汁叉燒腸粉 $38 腸粉皮香滑潤，而且我覺得腸粉皮薄，而且叉燒餡都幾多(๑´ڡ`๑) . 一品鮑汁珍珠雞 $45 一人一件岩岩好，味道適中，唔會太濃味～ . 啤梨咸水角 $42 咸水角嘅造型超得意，整成啤梨嘅形狀，外層金黃微脆，口感煙煙韌韌架，餡料豐富( ^ω^) . 脆皮素鵝 $88 素鵝煎炸得香脆，而且唔會好油膩，入面有好多既菇片同蘿蔔絲٩(｡・ω・｡)و . 望住個海景，同朋友慢慢嘆茶食點心，真係唔捨得走~ 最後結帳時，每人送兩個口罩(๑ơ ₃ ơ)♥ 點擊圖片放大 +4 海雲天 地址:紅磡德豐街20號九龍海逸君綽酒店2樓 想知多d有咩好食好玩同扮靚既資訊，快d follow我下面其他channel啦:) 聯絡/ 邀請/ 合作試用: Email: puishanlee0429@gmail.com Facebook: 娜娜飄流記 Nana’s diaryyy｜Instagram:nanapuishan｜Openrice:Foodsharingnana ｜Ublog｜Blogspot｜TheZtyle｜WeShare｜Beauty Exchange｜Qooza｜Pixnet | Girlab｜Girlssss｜大眾點評｜小紅書
