星期6晚上，男朋友同我都想食海鮮，就去左呢間同事推介既蒸海鮮專門店 (ﾉ>ω<)ﾉ 呢度有4款套餐揀，我地就揀左最平個個～ 8款海鮮/蔬菜籃/南瓜粥 $298 起初會覺得有少少貴 但食完膏蟹同龍蝦之後 就覺得海鮮好高質(ﾉ>ω<)ﾉ 海鮮每日空運到店，所以好新鮮(,,・ω・,,) 海鮮有 #肉蟹/奄仔蟹、#澳洲龍蝦、#鮑魚、#元貝/蟶子、#貴妃蚌、#海中蝦、#龍躉片、#青口 ，睇落好少，但都足夠二人享用(,,・ω・,,) 先蒸蝦，蝦肉爽彈～ 貝類鮮嫩，不會過老的～ 鮑魚很有口感的(*´∀`)~♥ 魚肉很好吃，再多一兩片會更好～ 蟶子亦非常好食！ 每人半邊龍蝦，肉質爽口彈牙，非常鮮甜，無得頂～～ 點擊圖片放大 +3 膏蟹爆晒膏，有軟膏同硬膏，帶少少甘香，店員話我哋好好彩，食到綠色膏嘅蟹，平時好少有既，因為呢隻蟹係食素，其他海鮮都okay！！ 點擊圖片放大 最後食埋蔬菜籃同埋南瓜粥，南瓜粥仲吸收晒海鮮嘅精華添~~ . 4人同行仲送椰汁燕窩,好足料架(ﾟ3ﾟ)～♪ 蟹仙 地址：九龍城龍崗道2-4號地下 想知多d有咩好食好玩同扮靚既資訊，快d follow我下面其他channel啦:) 聯絡/ 邀請/ 合作試用: Email: foodsharingnana@gmail.comFacebook: 娜娜飄流記 Nana’s diaryyy｜Instagram:nanapuishan｜Openrice:Foodsharingnana ｜Ublog｜Blogspot｜TheZtyle｜WeShare｜Beauty Exchange｜Qooza｜Pixnet | Girlab
