走肉朋友係一間素食自助餐 主打新派素食~~ 即使我唔係素食者 但食物既味道同款式都令我有驚喜~~~ 每一款都好想試！ 間唔中想食清d都可以試下～ 今期既主題係京‧川‧滬菜~~ 沙律吧可以自選材料調配 熱食用有冬瓜扮既東坡肉、素獅子頭，無論外型同味道都做得好似呢！~~ 仲有白汁芝士意粉、葡汁焗4蔬、上海菜飯、上海炒年糕、回鍋肉、鎮江排骨、麻醬素雞絲、脆脆菠菜卷、香酥鴨、冰梅貴妃雞、擔擔麵pizza等等～ . 點擊圖片放大 +3 我覺得脆脆菠菜卷整得好好食，用帶咸香既墨西哥卷包住椰菜絲，紅蘿蔔、加埋沙律醬，爽脆清新！ 擔擔麵pizza幾重花生味，帶點點辣，批底又薄又脆，每次出爐都好快比人清晒～ 香酥鴨，外皮酥脆，入面用左綿密既芋泥同豆腐整，外脆內軟！ 鎮江排骨用左油炸鬼整，有少少硬，不過好特別～ 仲有豬大腸、魚蛋串燒，做得逼真，味道唔差~~ 甜品有滋潤既雪耳糖水同豆腐花～ 點擊圖片放大 +11 最好卜定位，因為真係好full，唔知下期係咩主題呢~~~ 自助晚餐 時間： 6:00-7:30pm/ 8:00-9:30pm 收費： $118(Mon-Thur) / $148(Fri-Sun) 走肉‧朋友 地址：大角咀博文街28-30號地舖 想知多d有咩好食好玩同扮靚既資訊，快d follow我下面其他channel啦:) 聯絡/ 邀請/ 合作試用: Email: foodsharingnana@gmail.comFacebook: 娜娜飄流記 Nana’s diaryyy｜Instagram:nanapuishan｜Openrice:Foodsharingnana ｜Ublog｜Blogspot｜TheZtyle｜WeShare｜Beauty Exchange｜Qooza｜Pixnet | Girlab
