星期5又是happy friday，即使平使工作幾忙碌都好，都想呢晚食好少少，多得朋友仔預先卜左位，星期五晚都幾爆場～ 煙鴨胸沙律夠晒凍，麻醬好香，豆腐好滑呢，味道清新～ 有刺身3款，最喜歡就係大蝦，又大隻又多膏，其次就係鮮甜既八爪魚～ 呢個燒鰻魚係勁好食！！！！魚皮帶脆，唔會整到好硬，最重要係魚肉好嫩滑，加埋甜甜地既醬汁，勁想食多幾舊 :P 牛舌好大舊，係超級厚切，十分有口感！ 西京醬煮銀雪魚，亦係我最欣賞既菜式，銀雪魚微焦嫩滑，醬汁又帶甜味，非常吸引～ 鮮甜又大粒既帶子，不過黑松露味不重～ 薄燒牛肉，每一片和牛都充滿濃濃既牛香，入面有蒜片同香蔥，口感很有層次，愛吃牛的人可以點呢個黎試試～～ 芝士龍蝦賣相好吸引！！！ 龍蝦滲透住芝士香亦唔會覆蓋龍蝦既鮮味，做到輕微既拉絲，龍蝦起晒肉既關係，食落非常方便～ 燒野菜用左芝麻同麻油做簡單既調味 粒粒金黃既黑松露炒飯，好香黑松露既，炒得好夠乾身，加左蔥花，多增香氣～ 大蜆清湯，味道比較清，飲完好暖胃～ 餐牌 點擊圖片放大 +5 新增說明文字 s2鐵板燒 地址：佐敦偉晴街29-37號地下6號舖 想知多d有咩好食好玩同扮靚既資訊，快d follow我下面其他channel啦:) 聯絡/ 邀請/ 合作試用: Email: foodsharingnana@gmail.comFacebook: 娜娜飄流記 Nana’s diaryyy｜Instagram:nanapuishan｜Openrice:Foodsharingnana ｜Ublog｜Blogspot｜TheZtyle｜WeShare｜Beauty Exchange｜Qooza｜Pixnet | Girlab
