適逢我同男朋友6周年，我地就揀左呢間餐廳一齊慶祝，希望我地繼續同樣甜甜蜜蜜(๑´ڡ`๑) 呢度有得揀8/9個 course，最主要係多左芝士拼盤同主菜唔同，但8個course已經好夠食，每道菜都好精緻，呢餐法國菜食左差唔多3個鐘~~ 點擊圖片放大 輕灸北海道元貝，外面半熟，入面就似刺身，新鮮鮮甜！亦有藜麥、三文魚籽做伴碟 牛肉他他，牛肉入口即溶，拌勻住洋蔥，加埋魚子醬、金箔、墨魚脆脆，美麗又吸引~~~ 蜜瓜凍湯，上桌時仲會用乾冰整到出煙，味道清新開胃！ 香煎法國鵝肝 外脆內軟!!!!，鵝油勁香，勁高質！仲有酸酸甜甜既黑醋珠同開心果碎，可以減低油膩感! 黑松露溫泉蛋，用67.5度烹煮既溫泉蛋，伴著芝士片同黑松露片，雖然溫泉蛋只屬半流既狀態，但味道卻很夾~~~ 綠茶雪葩，晚餐中段就有綠茶雪葩，有清味蕾之用~~~ 香煎智利鱸魚，魚肉嫩清，魚湯非常好香，仲將青瓜切成絲狀好似麵咁~~~ 澳洲羊架，半架唔羶仲啖啖肉，包住開心果碎，唔食羊既我仲食左好多啖!!!!!!!!!!!!! 甜品有得揀伯爵茶芝士蛋糕/panna cotta，香滑而不甜 最後仲有#朱古力拼盤，有黑/果仁/熱情果/茶味朱古力，配埋蘋果茶，為呢頓法國菜添上一個句號~~ 每道菜既味道同伴碟，都睇得出廚師既用心設計，環境有情調，難怪我當日去食都full Booking~~~ 8 course tasting menu $980 Amina Modern European 地址：尖沙咀廣東道82-84號流尚坊8樓全層 想知多d有咩好食好玩同扮靚既資訊，快d follow我下面其他channel啦:) 聯絡/ 邀請/ 合作試用: Email: foodsharingnana@gmail.comFacebook: 娜娜飄流記 Nana’s diaryyy｜Instagram:nanapuishan｜Openrice:Foodsharingnana ｜Ublog｜Blogspot｜TheZtyle｜WeShare｜Beauty Exchange｜Qooza｜Pixnet | Girlab
