我有2個朋友好中意食芝士,知道呢個餐廳有芝士炸雞外,原來仲推出芝士火鍋,所以上星期就搵埋我一齊去食喇~ 特級芝士火鍋 $278 天氣開始轉涼,岩晒打邊爐,仲係要打邪惡既芝士火鍋~~ 配料有麵包粒、豬肋骨、芝士同紫薯年糕、炸薯條、腸仔、車厘茄。睇落得好少野,但都幾夠飽~豬肋骨唔洗點芝士醬,已經辣辣地好惹味! 最特別係啲芝士年糕同紫薯年糕入面都有芝士同蕃薯餡,但如果年糕熱d就好喇~ 腸仔係脆皮腸,但薯條偏淋~ 芝士醬質地偏稀,口感有少少粉粉地。芝士醬可以refill一次,但我地唔洗refill都夠。 芝士點麵包食就最正喇,我仲浸到成舊麵包都係芝士‵~~ 不過,我覺得芝士火鍋偏貴,但冬天都可以試一次既~~~ 另外叫多一份炸雞,原本以為好唔夠食,諗住叫多樣野食,但最後我地3個人都食唔晒2樣野,好飽呀~~ 太陽芝士炸雞 $198 炸雞可以揀有骨或者冇骨,我地揀左有骨,因為可以「損」下~~ 炸雞有8舊,炸得金黃香脆,肉質都幾滑,食落有肉汁。 佢既賣點一定係佢個農夫包,入面全部都係芝士醬,用左水牛芝士同車打芝士整,芝士味濃,炸雞可以點住勁多芝士醬黎食,超級邪惡,仲可以做到拉絲,我覺得比起芝士火鍋,呢個芝士醬好似濃味d~~ 今餐真係食左好多芝士,同朋友都好滿足~~ 餐牌 點擊圖片放大 +12 餐廳資料:Sodam Chicken 地址:銅鑼灣耀華街3號百樂中心7樓 __________________________________________ 想知多d香港有咩好食好玩既資訊,快d follow我下面其他channel啦:) 聯絡/ 邀請/ 合作試用: Email: foodsharingnana@gmail.comFacebook: 娜娜飄流記 Nana’s diaryyy|Instagram: Foodsharingnana|Openrice:Foodsharingnana |Ublog|Blogspot|TheZtyle|WeShare|Beauty Exchange|Qooza|Pixnet