適逢朋友生日,我地揀左位於荃灣既牛之鍋慶祝生日,原來係生日前後一天惠顧可以享有二人同行,一人半價既優惠,變相更加抵食!牛之鍋主打日式放題+火鍋+甜品任食,可以食足2小時,星期一至四成人$208,7:30前離座/9:30後入座就$168。 大多數火鍋配料都係出去拎,都係平時食開既丸類同蔬菜類等,不過佢既蔬菜類幾多款式揀~ 點擊圖片放大 +5 飲品有我最中意飲既忌廉梳打! 除左肉類之外,其餘既火鍋配料都係出去拎~ 點擊圖片放大 佢地既牛肉、羊肉、豚肉都唔差,雖然係薄切,但肉味濃,以放題質素黎講已經幾好!3款肉都好中意食~ 點擊圖片放大 海鮮有魚片、蠔同蝦。我以為任食既蠔一定麻麻地,點知呢個蠔一D都唔腥,encore左幾次~~ 其實又日式放題又打邊爐,真係唔知食邊樣好,仲要留肚食甜品呀~~佢既芝士丸係比濃味個一款,即刻食多幾粒:P 刺身要了三文魚、八爪魚、赤貝、北寄貝等,刺身雪味唔重,真心正! 燒物中既甜蕃薯唔錯,不過雞軟骨唔夠香脆~ 炸物當中既流心一口芝士好邪惡,不敢多吃;芝士年糕煙煙韌韌,但墨魚餅口感有點鬆散 大蝦天婦羅,但略嫌唔夠味~~ 我最期待既環節就係食甜品喇,差唔多款款都點左黎食~ 比較特別係可以食到綿綿冰,味道幾好!芒果班戟就忌廉多左小小~ 最值得點既係抹茶芭菲/新地,抹茶濃,而且每款都有白丸同jelly,如果唔太中意食cream既話就點抹茶新地吧。 紫米糕味淡,但足料,其他甜品就不過不失:) 係度食完2個鐘,同朋友真係飽到上心口,朋友表示對呢個生日餐好滿意呢! 餐廳資料:牛の鍋 地址: 荃灣荃華街3號悅來坊2樓202號舖 __________________________________________ 想知多d香港有咩好食好玩既資訊,快d follow我下面其他channel啦:) 聯絡/ 邀請/ 合作試用: Email: foodsharingnana@gmail.comFacebook: 娜娜飄流記 Nana’s diaryyy|Instagram: Foodsharingnana|Openrice:Foodsharingnana |Ublog|Blogspot|TheZtyle|WeShare|Beauty Exchange|Qooza|ixnet