今次我又用左bigdish呢個app，有5折優惠，非常抵食！ 其實佢地都brunch set超抵食，但朋友又想食羊架，計計下發覺散叫可以食多D想食既野，半價折後又抵食(要用app)，最後我地都係揀左散叫。 牛角酥($28) 好濃郁既牛油香，香噴噴，而且又好鬆化，外脆內軟，明知呢舊野熱量勁高....食左細半件只好收口 >﹏< 法國鮮魚湯($78) 唔似平時飲既中式魚湯，中式魚湯多數都係奶白色，佢呢個魚湯顏色偏橙紅，質地好稀，應該用左蕃茄做底，有啲紅蘿蔔粒、魚粒，飲落會散發一陣淡淡既魚香味，都唔錯。 有塊麵包片可以沾湯食，索晒D湯好正! 傳統法國芝士蛋餅($98) 之前食開既芝士蛋餅都係比較濕潤同軟熟，佢呢款蛋餅面頭微焦，質地厚實同煙韌D。雖然冇芝士拉絲既效果，但就勁重芝士味，比較有口感呀。 唔算太厚，但就好有口感，感覺好實在。 香草羊扒($218) 平時好少食羊既我，一於捨命陪君子。呢份羊扒好大份，煎封了外層，保留到肉汁。而且羊扒肥瘦適中，唔太肥膩但就多一份油脂香。佢既羶味岩岩好，所以我食到一件，再重D就我就會頂唔順。 亦有D沙律菜同著仔作伴茶，沙律菜用左黑醋汁，所以好開胃呀，尤其係食左咁多肉之後。 Btw我係一個極惹蚊既人，起初我坐門口位，一路食野一路隻腳都好痕，發覺咬左好多粒蚊爛，店員都好好，問我要唔要蚊怕水之類既野，下次我再黎一定要著長褲呀>_<。有時真係好中意上環、西環呢D比較慢活既地區，節奏冇咁快，又多一D特色餐廳，相信遲D我會再黎呢度~~ 餐牌 佢地既brunch set好抵呀~~ 點擊圖片放大 +2 餐廳資料：Collection De Vignobles 地址：西環堅尼地城加多近街71號先施西環大廈地下 __________________________________________想知多d香港有咩好食好玩既資訊，快d follow我下面其他channel啦:) 聯絡/邀請: Email: foodsharingnana@gmail.com Facebook: 娜娜飄流記 Nana’s diaryyy｜Instagram: Foodsharingnana｜Openrice:Foodsharingnana ｜Ublog｜Blogspot｜TheZtyle｜WeShare｜Beauty Exchange｜Qooza｜Pixnet
