我有一個超中意食餃子既男朋友, 有次佢趁我唔為意,叫到成枱都係餃子,而佢食到晒個下先勁! 餃子店設有好幾款既醬汁供客人點餃子之用,有青瓜醬,芝麻醬,辣椒醬等 佢地既醃蘿蔔係任食既~食幾多拎幾多~ 打頭陣有 至尊松茸豬肉餃($65/8)附一碗狀元九鼎湯 松茸餃子皮薄餡足,入面有松茸粒粒,松茸味香濃十足,食灼餃比蒸餃更可以食到松茸既原汁原味,不愧係招牌餃子! 狀元九鼎湯湯底標榜冇用味精,用上粉葛、赤小豆、鰂魚、鯪魚等材料熬成,味道較清淡,覺得唔夠味可以落鹽吊味。 芝士餃子($48/7) 餃子外皮金黃,雖然冇拉絲同流心既效果,但就滿滿香軟既芝士,加上粟米同豬肉,原來又幾夾架!起初怕好膩,但又唔會:P 粟米豬肉餃|大白菜豬肉餃($42/10)雙併 餃子皮薄透餡,可以見到肉餡既顏色,睇得出邊隻係粟米,邊隻係大白菜。材料豐富,香甜爽脆,肉汁juicy。 粟米粒粒飽滿,份量足 兩款煎餃不油膩,薄薄既外皮煎到好脆!煎過後,韭菜味非常特出,而韭菜味比較重口味和香口一些! 整體而言,雖然餃子唔算太大隻,勝在足料,皮薄餡多。餃子控男朋友今餐食到lum lum脷呀 餐廳資料:餃掂手工餃子雲吞專門店 地址:太子界限街30號地下 __________________________________________ 想知多d香港有咩好食好玩既資訊,快d follow我下面其他channel啦 聯絡/邀請: Email: foodsharingnana@gmail.com Facebook: 娜娜飄流記 Nana’s diaryyy|Instagram: Foodsharingnana|Openrice:Foodsharingnana |Ublog|Blogspot|TheZtyle|WeShare|Beauty