放工時太肚餓,約左朋友去東大街食野,想坐耐少少就揀左去中菜館食飯。 懷舊拔絲骨($88) 賣相似咕嚕肉,但味道同賣相都略有不同,伴碟有青椒,紅椒同水蜜桃。每一顆豬排骨都沾滿了鬆化既糖衣,用筷子一夾,形成拉絲既效果。拉絲唔再係芝士既專利:P 梅子糖漿味道酸酸甜甜,外層還要很脆,肉積軟嫩,縱然排骨脂肪比例高一點,但好香口不會過肥~ 蒜蓉粉絲蒸蟶子皇($38/1)2隻起 蒜蓉鋪滿係蟶子上,充滿蒜油香, 蟶子蒸得唔會過晒火,仍然好爽口。 蟶子幾大隻,冇晒沙,抵食呀! 蒜蓉同粉絲從來都係最佳既配搭,有飯既話可以食晒一碗飯! 百花蟹拑($128) 蟹拑飽滿,每一個都圓碌碌,炸得香脆 肉質彈牙,惟蟹味不夠 鮮蟹肉時蔬($90) 出街食飯一定要叫D 菜食,咁先健康D 時蔬係西蘭花同草菇,倒滿了份量頗多既蟹肉~~清清地又幾好! 黑枸杞子燉竹絲雞($68) 呢個湯可以滋補肝腎,對身體好有益,味道就有D咸,雞味重。 餐廳資料:皇苑 地址: 筲箕灣筲箕灣東大街109-113號1樓及113號地舖 __________________________________________ 想知多d香港有咩好食好玩既資訊,快d follow我下面其他channel啦 聯絡/邀請: Email: foodsharingnana@gmail.com Facebook: 娜娜飄流記 Nana’s diaryyy|Instagram: Foodsharingnana|Openrice:Foodsharingnana |Ublog|Blogspot|TheZtyle|WeShare|Beauty Exchange|Qooza|Pixnet