天文台又話轉涼既，都仲係咁熱既，7月點算T^T 早排同朋友去左小肥牛打邊爐，試左佢地既「鮑李滿粥套餐」每位$198(2位起)❤️ (星期一至四，酸菜，醬油雜項，加一全免） -每位包了：黑翡翠鮑魚1/4隻，斑片2片，蝦2隻，蟹半隻，沙白＆貝殼各5粒。 半隻既黑翡翠鮑魚，第一次食呀！如4個人黎食就會比全隻:) 整體海鮮新鮮，海蝦非常生猛，黑鮑魚爽口有咬感，貝類肥美冇沙。 另外可以揀6款火鍋配料，我就揀左黑毛豬梅肉片、墨魚丸、雞件、枝竹、豬頸肉、金菇菜。 豬頸肉 雞件烚完有少少鞋口～ 金菇菜 個人推介黑毛豬梅肉片同墨魚丸！ 墨魚丸唔係用機打架，上面仲有D蟹子:3 黑毛豬梅肉片，肉味重，淥一陣就okay! 套餐最特別既地方就係用左健康粥做湯底，太健康既關係我覺得冇乜味，比較淡(´д｀、)！ 食到後期可以加白粥膽、粟米、南瓜粒、芋頭粒。 另有一大堆伴粥既配料，如冬菜、菜脯粒、蔥花等等，等一陣就可以煮成一碗原汁原味既鮮甜白粥，吸晒所有海鮮既精華～～ 我專登將隻蟹留到最後，煮成蟹粥:P不過就食到隻手好污髒～～ 每人最少都可以分到2碗粥到:) 餐廳資料：小肥牛火鍋活魚專門店 地址:尖沙咀亞士厘道24-38號天星大廈地庫A舖 營業時間：星期一至日: 18:00-02:00 __________________________________________ 想知多d香港有咩好食好玩既資訊，快d follow我下面其他channel啦 聯絡/邀請: Email: foodsharingnana@gmail.com Facebook: 娜娜飄流記 Nana’s diaryyy｜Instagram: Foodsharingnana｜Openrice:Foodsharingnana ｜Ublog｜Blogspot｜TheZtyle｜WeShare｜Beauty Exchange｜Qooza｜Pixnet
