係灣仔番工既我,放左工一定要搵下野食黎填補上班既苦悶:)!今次就同左朋友去鵝頸橋底搵野食!食沾麵!-----つけめんTETSU 咩係沾麵?姐係湯同麵分開左兩碗上,食個時將麵放入熱湯中沾一沾黎食~ 沾麵可選熱食或冷食,冷食麵就係凍凍地,冇湯既(左),熱食就係個麵連清湯上(右),麵既份量可選200g/300g,湯底亦可選擇原味還是辣味。我同朋友就揀左原味既沾麵(200g)同期間限定既特製咖喱沾麵! 沾麵($89) 沾麵既湯底用左大量既鰹魚乾同豚骨等熬製了36小時而成,散發出強烈的魚介香,整體味道香濃而不膩,再加上佢地既麵條用上烏冬用既麵粉同麵包用既麵粉,所以特別有嚼口! 特製咖喱沾麵($89)+半熟蛋($9) 咖喱味唔算太重,唔辣但好夠味,仍然充滿濃郁既魚介味,正呀!有豚肉同竹荀作配料,仲有d櫻花蝦同辣椒碎比你落,想重口味d就可以落多d辣椒碎:P 沾麵嚼口彈牙,粗身既麵條掛湯力不錯,麵量有d多食到一半已經飽,叫左200g,我太細食>_<餘下既麵交左比黑洞男朋友處理haha!講到最正一定係隻半熟蛋,好流心,必加! 最得意係如果食到一半,覺得個湯唔夠熱,就可以問店員拎舊熱石放落碗湯到,“sa"一聲整番熱個湯,令到沾麵湯底一直保持溫度:) 炸餃子($29/5) 餃子炸到脆卜卜,炸得唔油膩,肉餡多汁,還有一碟餃子汁比你點! 自家製辛味炸雞($39/5) 炸雞粒撒上辛味粉,惹味得很!雞肉炸完仍然很嫩滑~~不過我最喜歡既小食都係半熟蛋❤:P 汽水~~~好中國風既百事呀~ 餐牌 餐廳資料: つけめんTETSU 地址:銅鑼灣堅拿道西23號地舖 營業時間 : 星期一至日: 11:30-23:00 ___________________________________________ 想知多d香港有咩好食好玩既資訊,快d follow我下面其他channel啦 聯絡/邀請Email: foodsharingnana@gmail.com Facebook: 娜娜飄流記 Nana's diaryyy https://www.facebook.com/foodsharingnana/ Instagram: Foodsharingnana https://www.instagram.com/foodsharingnana/ Openrice: Foodsharingnana Ublog: https://blog.ulifestyle.com.hk/blogger/foodsharingnana/ Blogspot: https://nanasdiaryyy.blogspot.hk/