我好中食泰國菜,但我唔食得太辣,好好彩身邊既朋友會陪我食唔辣,(我知無得食辣好無癮架喇(≧Д≦)),你地覺得應該係食辣既朋友就唔食辣?定唔食辣既朋友就食辣?其實應該各自嗌d辣同唔辣既菜就解決到問題..好似係咁(ΦωΦ) 今晚又可以同朋友食泰國菜 ,好開心♥ ♥ 泰式無骨鳳爪($68) 最怕食鳳爪呢類食物要不停"損"骨,無骨鳳爪呢樣野食就岩晒我呢個大懶人,唔洗怕要"損"骨。 作為前菜係幾開胃而且好爽口,份量適中,一開頭唔覺得辣,係因為D汁係晒底,最尾個幾隻我就覺得好辣 >_< 沙爹串燒(豬/雞)($68) 有6串串燒,心思思既我每樣要左3串。串燒燒得甘香可口,唔會燒到D肉好鞋 ,雞肉比豬肉更好! 鐵板鹵水無骨豬手(特價$42) 女仔應該要補下骨膠原:P豬手起好晒肉,醃得入味,肉質算腍,最好就趁熱食,凍左就韌左同冇咁吸引 ,加上兩個女仔食左6串串燒,面對眼前既豬手,有一種食唔落既感覺,多幾個人分享會好D~(>∀<) 你地睇下,原價係$85,而家特價$42好抵食,叫得過~ 雖然食肉食到好飽,但從來甜品都係用另一個胃(´﹃`) 芒果白糯米飯($55) 芒果香甜,糯米飯頗暖,唔會話有飽飽濟濟之感,再加上椰漿,即使再飽都清晒呢碟! . 呢間餐廳既飲品都唔錯! 芒果椰汁特飲($34) 飲品顏色鮮艷,飲得出用芒果打成汁,質地濃厚,並唔係用小小芒果汁+色素同大量既水溝出黎,比早排飲既許留山好得多! 椰青($35) 椰青水清甜解辣,大大個,椰青水都幾多下,點解我會咁講?事關我曾經都飲過D椰青係勁小椰青水架T__T 愛吃既我當然唔會浪費D椰子肉,輕易地舀出每一口既椰子肉~ :P 餐廳資料: 亞萊泰 地址:黃大仙龍翔道136號黃大仙中心北館1樓N141號舖 ___________________________________________ 想知多d香港有咩好食好玩既資訊,快d follow我下面其他channel啦 聯絡/邀請 Email: foodsharingnana@gmail.com Facebook: 娜娜飄流記 Nana's diaryyy https://www.facebook.com/foodsharingnana/ Instagram: Foodsharingnana https://www.instagram.com/foodsharingnana/ Openrice: Foodsharingnana Ublog: https://blog.ulifestyle.com.hk/blogger/foodsharingnana/ Blogspot: https://nanasdiaryyy.blogspot.hk/