香港曾經都掀起過海鮮蒸鍋既熱潮,可惜人均消費動輒都要大約$500,真的不太捨得食,不過呢度既海鮮蒸鍋平一半左右,但一樣食到飽飽~ 座位寬敞,坐得舒服!牆上更有漁船的圖案,十足像一個小漁港 ̄▽ ̄ 同同行友人揀左$268一個人既海鮮蒸鍋套餐,9點後$218,折後更抵食~另可叫旁邊$398那款,豐儉由人:) 食蒸海鮮前仲叫左個冰鎮賴尿蝦,價錢忘記了,大概$1XX,好耐冇食過咁大隻既賴尿蝦,中間個隻賴尿蝦有膏架,仲要完好無缺起好肉。賴尿蝦上面唧左沙律醬同魚子,不過沙律醬太多了,覆蓋了賴尿蝦既鮮甜,有D可惜! 套餐雖寫了係有5層既海鮮,但我食個時係將第2 + 第3層,第4 +第5層合併而蒸。 雖然唔係一次過蒸晒5層,冇得滿足我視覺既需要但反而仲好呀,唔怕一次過蒸,蒸到啲海鮮過晒火。 第1層~~ 總共有3款貝殼類,馬刀貝、蕃薯貝、北寄貝 貝類鮮甜無比,生蠔蒸得過左火,而且縮到好細粒>﹏< 第2 + 第3層 有大元貝,蒜蓉蝦同鮑魚 元貝用左蒜蓉粉絲蒸,個汁好惹味 用蒜蓉花竹蝦砌左個心型:P 第4 +第5層 有清蒸大膏蟹同深海龍躠糯米飯 隻蟹係超級爆膏架! 不得不提就係老闆細心,佢見到我地食蟹食得慢,建議我地食左個魚肉先,先幫我地蒸番熱糯米飯:) P.S.如果好多食客都係食蟹食得慢,更加應該將呢兩層分開黎蒸,咁先可以慢慢 ̄︶ ̄ 糯米飯粒粒分明,兩人分量,一人一碗岩岩好,食完已經飽到7788 最後叫多個甜梅菜蒸娃娃菜($48),食個菜清一清岩岩D海鮮 海鮮清蒸就最原汁原味,海水味就最重,套餐有生蠔、元貝、鮑魚、蒜蓉蝦、大羔蟹等等等,最中意貝類,鮮甜無比,同埋個羔蟹都好正,爆晒膏呀,你叫我情何以堪,唔食你都唔得,今次真係好滿足。我見而家openrice好似有promotion,有7折優惠!:) 店舖資料:小漁港海鮮舫 鮮蒸‧鮮味火鍋 地址:太子荔枝角道127-133號地下 營業時間: 星期一至日 18:00-02:00 ___________________________________________ 想知多d香港有咩好食好玩既資訊,快d follow我下面其他channel啦 聯絡/邀請 Email: foodsharingnana@gmail.com Facebook: 娜娜飄流記 Nana's diaryyy https://www.facebook.com/foodsharingnana/ Instagram: Foodsharingnana https://www.instagram.com/foodsharingnana/ Openrice: Foodsharingnana Ublog: https://blog.ulifestyle.com.hk/blogger/foodsharingnana/ Blogspot: https://nanasdiaryyy.blogspot.hk/