中學時最愛行旺中 ,貪佢D衫好平,原來而家旺中開左好多野食,連底層都有台灣黎既美食! 岩晒係旺中掃完貨行到腳跛黎食,係正旺中最底層,夠晒就腳,食店用上自助形式,填完點菜紙出去比錢,坐定定就有得食! 餐單 以圈圈形式,揀好就可以去比錢,然後就有得食 寶島豬肉紙乾拌麵($68) 豬肉紙拌麵真係第一次食,豬肉紙脆卜卜,愈浸愈淋係常識吧~~ 拌麵口感q彈,撈勻鹵肉同醬汁,味道唔油膩,好似去左台灣咁 叫左小麵都仲係好多麵,份量都唔少呀! 肉燥小茄子($33) ----------比較推薦既一款小食 細個一聽到魚香茄子就擰晒頭,因為我太唔中意食魚,到大個先發現原來魚香茄子冇魚,加上食過一碟好好食時既魚香茄子,自此我就好中意食 茄子軟淋香口,煮得入味,吸滿香濃既醬汁 茄子面上佈滿肉燥同蔥粒,而且燒汁既惹味令我好想撈飯食 不過食到底就有啲啲油,小食既分量兩個人分都可以 好芝味芝士鹽酥雞($40) 鹽酥雞一共8粒,炸得香口軟腍,淋上好多既芝士醬,要趁熱食呀 如果想食脆口啲既鹽酥雞雞就叫番普通既鹽酥雞,呢款就淋啲啲 蔥燒豬軟骨便當($56) 有3款的配菜,這款飯吃起來比較乾,豬軟骨汁都比較油~放左陣面上已經有一層油lu 小街綜合滷味拼盤($46) 分別有滷大腸,豬耳同滷蛋,沒吃大腸,豬耳同滷蛋則中規中距 涼拌小黃瓜($29) 小黃瓜夠凍,上面撇上芝麻,倍加精緻,我很喜歡這個前菜,好清新,做前菜一流! 兩個相比下,個人較喜歡芝士鹽酥雞! 焦糖珍珠奶茶($30),巨蜂葡萄梳打($35) 焦糖珍珠奶茶,焦糖味好出,珍珠有口感!不過,覺得$30一杯飲品有DD貴>< 店舖資料: 鐵牛台灣牛肉麵 地址:旺角彌敦道688號旺角中心第一期地庫A舖 營業時間: 星期一至日: 11:30-22:30 ____________________________________________________________ 想知多d香港有咩好食好玩既資訊,快d follow我下面其他channel啦 聯絡/邀請 Email: foodsharingnana@gmail.com Facebook: 娜娜飄流記 Nana's diaryyy https://www.facebook.com/foodsharingnana/ Instagram: Foodsharingnana https://www.instagram.com/foodsharingnana/ Openrice: Foodsharingnana Ublog: https://blog.ulifestyle.com.hk/blogger/foodsharingnana/ Blogspot: https://nanasdiaryyy.blogspot.hk/