良久都冇去沙爹王食飯,曾經沙爹王都係我中學時既飯堂,一大班朋友聚會諗唔到去邊食,就一定會黎沙爹王食飯,我記得上次黎係用寵物小精靈做主題,而家已經係一個我唔識既卡通做主題。 餐牌好可愛,盡是一個個卡通人物 可惜呢,因為唔認識呢個卡通人物,所以勾起唔到我既食慾~~還是乖乖地叫番最基本既白咖喱豬扒飯 午市餐牌 白咖喱香茅豬扒飯($54) 白咖喱汁香而不辣,以前比我既感覺係辣D,係咪我而家食得辣左,haha?不過D汁用黎撈飯就一流,3塊豬扒整得岩岩好,還帶點juicy! 咖喱香茅豬扒粒炒飯($57) 比起上面個飯,呢款似乎遜色得多,飯粒雖用上珍珠米,且用上咖喱炒到飯粒金黃,可惜沒太大特別之處了~ 特濃朱古力沙冰(+$13) 呢杯沙冰又幾得,雖然要加上$13有點貴,但係又幾好飲,朱古力味香濃 店舖資料: 沙嗲王 地址: 銅鑼灣軒尼詩道489號銅鑼灣廣場一期9樓 電話號碼:2893 6667 營業時間: 星期一至星期日: 11:30-23:30 ______________________________________________________________ 聯絡/邀請 Email: foodsharingnana@gmail.com Facebook: 娜娜飄流記 Nana's diaryyy https://www.facebook.com/foodsharingnana/ Instagram: Foodsharingnana https://www.instagram.com/foodsharingnana/ Openrice: Foodsharingnana Ublog: https://blog.ulifestyle.com.hk/blogger/foodsharingnana/