朋友搬到黎附近,感覺附近唔係有太多食肆,唯獨呢間燒賣檔keep有人排,一於去試下就知龍與鳳!小店冇設立價錢牌,就只好問問老闆叔叔點賣~~.. 我:「一串燒賣,一串魚蛋,唔辣幾錢串呀?」老闆叔叔:「辣就5蚊串,唔辣就20蚊串~~」當堂打左個特,做咩唔辣要20蚊串.... 老闆叔叔:「講笑,兩串10蚊」..老闆叔叔好有趣,風趣幽默~~小店既溫馨係大集團鋪頭係搵唔到架~~ 最中意食呢D蒸到爛既燒賣,係真正既魚肉燒賣,食落有口感,並唔係麵粉燒賣,感動!重點係價錢好平喔,$5/5粒,呢個價錢仲有邊度有得食,而且唔係個D難食燒賣!. 陳皮魚蛋($5/5粒) 同樣係十分親民既價錢,魚蛋彈牙,濃濃既陳皮味,好耐冇食過陳皮魚蛋lu~~~.終於明白點解呢間小店咁多人排隊喇 店舖資料: 金華美食 地址:深水埗昌華街20號金華閣地下1號舖 電話號碼:6711 6062 營業時間: 星期一至日: 07:00-21:00 ______________________________________________________________ 聯絡/邀請 Email: foodsharingnana@gmail.com Facebook: 娜娜飄流記 Nana's diaryyy https://www.facebook.com/foodsharingnana/ Instagram: Foodsharingnana https://www.instagram.com/foodsharingnana/ Openrice: Foodsharingnana Ublog: https://blog.ulifestyle.com.hk/blogger/foodsharingnana/