荃灣人氣惹味烤魚 🌸海鱸魚原條$308⭐️⭐️⭐️⭐️☆叫左酸菜味不辣，一開始不會辣食到後期只會有微微既辣，海鱸魚比較少骨，方便食用，用左孜然粉去烤所以十分香，而且一開始魚肉都幾重薑味。酸菜甜甜地酸酸地，酸甜味適中，配搭埋魚肉一齊食十分夾👍難得連魚骨都夠入味，傻婆T啜魚骨都十分容易！配菜都多，有紫洋蔥、大豆芽、芫荽、芹菜、酸菜、薑、蒜頭、京蔥，不過全部索晒湯汁真係好好味呀！😋😋 🌸大漢羊肉串$20⭐️⭐️⭐️⭐️⭐️燒得十分肥美香口，完全不會羶，孜然粉落得剛好，不過有點鹹又不會太辣，肉質非常有肉汁及嫩口。 🌸雞肉串$18⭐️⭐️⭐️⭐️⭐️大大串，雞肉燒得嫩滑，不會嚡口，非常容易咬開！😋😋 🌸豬頸肉串$18⭐️⭐️⭐️☆☆豬頸肉有3塊，不過比較乾，鎖唔住肉汁，好彩不算太嚡。 🌸竹蔗甘筍海底椰（鴻福堂）$18正常樽裝飲品，不過唔夠凍。 🌸烏龍茶（津路）$18細樽裝飲品。傻婆們平日18點入座，19點都開始多人幾滿下，建議想食既可以book定枱！有室外位置，環境乾淨企理，光線充足，座位舒適寬敞，店員態度良好有禮，無須加一服務費。======詳情======川花烤魚荃灣大壩街29號安康大廈地舖================
