人情味濃麻辣地道小店 一入餐廳啊姐已經好好招呼，又講有咩招牌菜啦～仲講埋食辣既好處可以排毒消脂，傻婆們都有講本身5太食得辣，啊姐就幫我地將d辣野盡量整成bb辣，等我地想食辣但又容易入口，仲教我地點樣可以慢慢食得辣，十分貼心！中意食辣既人士，值得一試！🌸酸菜海鱸魚(原條)$268⭐️⭐️⭐️⭐️⭐️一上枱好大盤勁香辣椒味撲鼻，佈滿辣椒原條花椒，比較冇甘容易食到花椒粒，而且魚都好大條有魚頭魚尾，除左魚仲有勁多酸菜、海帶、芽菜、包菜，全部都煮到十分入味夠淋，食落5係死辣，係好香既辣，而且十分夠酸，魚不會腥，完全色香味俱全！ 🌸清炒土豆絲$78⭐️⭐️⭐️⭐️☆十分大碟，用左蒜頭去炒，十分香口有鑊氣，而且解辣一流！不過就油左d。 🌸沙薑雞腳(不辣)$43⭐️⭐️⭐️⭐️⭐️炆得十分淋同入味，一吮已經好輕易甘皮骨相離！食落有好香既沙薑味，但又不會辣，十分暖身舒服！ 🌸涼拌粉皮$43⭐️⭐️⭐️⭐️☆傻婆T叫左BB辣，真係辣得好過癮！對傻婆T唔係太食得辣，好有刺激感！食到眼淚水汗水都出晒！粉皮既透明又煙韌，每條都能掛住涼伴汁，零舍惹味！仲有青瓜切絲夾雜來吃，口感非常豐富！ 🌸菠蘿雪碧$28⭐️⭐️⭐️⭐️⭐️菠蘿放落雪碧，令菠蘿味更特出，仲可以解除辣味！ 🌸咸檸檬輕怡七喜$26⭐️⭐️⭐️⭐️⭐️切開一半咸檸檬，甘大杯都十分夠味，不錯！ 另外小店還有餸菜真空包裝，可以購買回家慢慢享用，非常方便！差不多都係卡位，環境舒服光線足夠，冷氣足夠，每枱都有d小擺設，傻婆們既卡位竟然仲有個小魚缸有2條魚！ ======詳情======肥姐麻辣餐廳荃灣沙咀道169號滿樂大廈地舖================
