蕃茄稱王瑞士稱霸 🌸蕃茄濃湯叉燒公仔麵配丹麥多士炒蛋$52⭐️⭐️⭐️⭐️⭐️蕃茄十分多勁濃郁，公仔麵每條都掛滿晒濃湯好正👍叉燒用左梅頭位，有咬口。丹麥多士焗左再趁熱塗上牛油，十分香脆可口。炒蛋用左牛乳去炒，十分香滑重蛋味！ 🌸花膠雞湯米線$69⭐️⭐️⭐️☆☆2塊花膠扒既厚身又大塊，而且十分軟糯，雞係雞髀位，雞湯夠鮮甜，完全沒有味精少鹽少糖，加上有好多娃娃菜係健康之選，米線質感軟硬適中。 🌸蔥花鹹牛肉炒蛋治$32⭐️⭐️⭐️⭐️☆一上枱三文治十分澎湃又夠厚，啖啖鹹牛肉香味加上香滑炒蛋，再配上牛油方包，口感豐富，簡直係絕配！ 🌸瑞士雞翼$38⭐️⭐️⭐️⭐️⭐️雞翼嫩滑，每隻都肥嘟嘟架，瑞士汁十分入味，鹹甜鹹甜 🌸大汗雞扒$30⭐️⭐️⭐️☆☆大大塊，雞扒上鋪瞞辣椒粉調味料，加上雞扒本身醃得非常入味，吃上口非常惹味 🌸新鮮菠蘿冰+$12⭐️⭐️⭐️⭐️⭐️勁多菠蘿，飲落就好似食緊菠蘿甘，好Fresh 🌸咸檸七+$12⭐️⭐️⭐️⭐️⭐️有幾片檸檬加半個咸檸檬，夠晒入味，飲完喉嚨都舒服晒🌸華田脆脆+$12⭐️⭐️⭐️⭐️⭐️十分濃郁，不會過甜，面頭的脆脆超好味，脆卜卜，好正👍 座位舒適，環境乾淨，冷氣足夠，店員親切有禮！ ======詳情======番茄18 (觀塘工業中心)觀塘觀塘道427號觀塘工業中心4期1樓G號舖================
