元朗復古cafe小店 🌸安格斯牛肉×軟殼蟹×鵝肝芝士漢堡🍔$198 ⭐️⭐️⭐️⭐️⭐️包面用左牛油去烤，十分香口脆卜卜，第一層係軟殼蟹（香脆超juicy，還有蟹膏同蟹肉，傻婆T覺得好好味呀！）跟住鵝肝（煎到外脆內軟，超夠鵝油香味，配搭麵包一齊吃就唔會覺得油膩），然後🧀芝士蓋住安格斯牛肉（安格斯牛肉漢堡超有牛味，好多肉味，又唔會嚡口同唔會癡牙，食起上黎超滿足），最後有新鮮生菜🥬新鮮蕃茄🍅紫洋蔥🧅，層次十分豐富！必吃😋😋仲有配搭超香脆既薯條，傻婆們爭著吃，薯條既粗又脆，實在太好味啦！ 🌸燒BBQ汁燒豬肋骨(25Mins)$168⭐️⭐️⭐️⭐️⭐️兩大塊巨型豬肋骨，BBQ汁完全唔會遮蓋豬肋骨味，豬肋骨燒得剛剛好，有咬口，同埋唔太癡骨，很容易分離，可以用刀叉好斯文咁食。燒菠蘿🍍有驚喜，燒得剛剛好又新鮮，咬落即爆汁爆甜，好正👍 🌸榛子鮮奶咖啡(ice)$46⭐️⭐️⭐️⭐️☆有淡淡的榛子味，鮮奶及咖啡配搭適中，夠凍，好味😋 🌸「髒髒」咖啡(ice)$42⭐️⭐️⭐️⭐️☆好多牛奶，好重咖啡味，飲落好creamy 🌸🥕甘荀南瓜湯+$30 ⭐️⭐️⭐️⭐️⭐️🥕甘荀南瓜湯係餐廳自己打，一飲落好清甜既🥕甘荀味，啖啖既南瓜蓉，傻婆R麻麻地🥕甘荀都好中意飲，而傻婆T超鐘意飲，飲到唔捨得放手😋😋餐湯配麵包，這塊包初咬一啖有陣陣🍋檸檬味同麥味，再試掂湯吃，個感覺又昇華左，果然絕配😋😋 🌸新鮮沙律🥗+$30⭐️⭐️⭐️☆☆超新鮮的沙律菜，配搭車厘茄同松子仁，感覺也不一樣。 環境好舒服好chill，餐廳播住音樂加爉燭好有氣氛，冷氣十分足夠，店員服務態度良好！由於係小店大家想食都可以book定位，以防萬一架～需加一服務費 ======詳情======Paul Cafe & Bistro元朗仁樂坊5號利發大廈地下D號舖================
