💛近排太子開咗間好有特色嘅酒吧餐廳，店員非親切仲係良心小店, 點可以唔黎支持下?😎點解話好有特色?因為除咗餐廳主打手工啤同精釀啤酒, 之外仲有現場魔術表演 ，連生日你都可以book定特備魔術表演，你話係咪正先🥳🥳由於係佢酒吧餐廳，無謂快測呢類要求就唔可以唔理啦, 就算放工即興黎到都無問題，Happy Hour仲有飲品小食8折😍 🍻佢嘅手工啤選擇非常多，甜身易入口嘅蜂蜜啤，果香味濃嘅果香手工啤，到酒花味，酸味，黑啤都應有盡有，店員仲會用心同你介紹，男女老幼一班朋友黎到都實揀到岩你地飲嘅👍🏻野食方面可以講話係港式西式Fusion, 係一個西餐廳嘅環境你會見到腐乳醬，燒鵝醬，花生醬嘅配搭都幾有趣😆而我地就叫咗其中一個招牌菜➡️"招牌麻婆Mac & Cheese", Mac & cheese 我諗大多數朋友都食過啦, 而佢係芝士通粉再加上麻婆豆腐真係未見過食落芝士同豆腐原來出奇咁夾,口感香濃軟滑,再加上麻辣配埋通粉口感好有層次,好惹味又唔會太辣🥰雖然好邪惡，但又真係幾好食😂 我地仲叫咗➡️"軟殼蟹牛油果竹炭漢堡，一黎到牛油果多到好似唔洗錢咁份量十足，加埋大大隻軟殼蟹，一啖真係咬唔哂😆味道仲相當唔錯👍 最後叫咗➡️"小麥啤酒煮青口配薯條，呢個送酒真係一流，青口雖然加左好多黑椒洋蔥，但係小麥啤味道仲係非常突出，加埋香口鬆脆嘅粗身薯條，飲野真係好難唔叫囉😜 話明主打手工啤，咁梗係要飲兩杯啦，我地叫咗杯佢地自家製➡️"青檸蝶豆花蜂蜜酒"，甜甜地好易入口，岩哂女士們，仲要係好夢幻嘅紫色打卡一流啦😎另外就揀咗➡️"紅棗麥啤"，酒身黑色麥香好濃厚仲有淡淡甜香，仲有回甘焦香味，值得一試😋 最後店員安排咗型仔魔術師Jacky @kachun200894 埋枱表演，成個互動好新穎好正，我地就完全睇唔到破綻啦，有興趣嘅朋友可以挑戰下🤣 🔸招牌麻婆Mac & Cheese($128)🔹軟殼蟹牛油果竹炭漢堡 ($128)🔸小麥啤酒煮青口配薯條($128)🔹青檸蝶豆花蜂蜜酒 Purple Dream ($98)🔸紅棗麥啤 Red Dates Amber Ale ($88)😋味道 8.5/10 😍回頭指數 10/10 (已經book左下次🤣)🔴HANDS - Craft Beer & Magic - 地址：太子大南街27-31號富威閣地下1-2號舖 @handsbarhk———❗️想搵返同地區👉🏻 #foodmarkerhk太子❗️想搵返美食系列👉🏻 #foodmarkerhk美食圖鑑❗️所有貼文分享👉🏻 #foodmarkerhk--------------------Follow最新美食分享/ 歡迎報料、合作、試食邀請:FB: Foodmarker.hkIG: Foodmarker.hkEmail: foodmarker.hk@gmail.com--------------------
