之前見到呢間Pizza好吸引，佢係主打西韓fusion菜，黎到旺角就試下係咪真係咁正先~我地點咗招牌嘅➡️"韓國烤肉芝加哥 Pizza"，面層佈滿牛小排、辣肉腸、番茄、意大利香芹、番茄醬，灑上了糖霜，用咗3款芝士: double馬蘇里拉芝士、芝士條、巴馬臣芝士，一拉出黎已經有好澎湃嘅芝士拉絲 (IG有片睇😆)，趁熱食啖啖入口都係好綿嘅芝士! 👍🏻👍🏻 仲有點咗➡️"蜂蜜牛油秘製炸雞"，有6件大約半隻雞，表層炸得根幾鬆脆，唔會好厚炸粉，雞肉都幾嫩滑，但有兩件雞胸外比較鞋，灑上蜜糖牛油調味粉甜甜地，幾香口惹味!😋 最後點➡️"帶子泡菜卡邦尼" 好有驚喜，扁意粉好煙韌，每條都佈滿好creamy濃郁嘅忌廉醬，泡菜微辣中和咗芝士同忌廉嘅膩度，帶子好大粒鮮甜，煎得恰到好處，配上蒜蓉、紫洋蔥、蘑菇、煙肉、意大利香芹等，口感好豐富！😍 食Pizza同炸雞又點少得啤酒，➡️"Gentleman Lager" Happy Hour時段$59，入口重麥味，配食一流!👍🏻 🔸韓國烤肉芝加哥 Pizza ($213)🔹蜂蜜牛油秘製炸雞 ($118/ 6pcs)🔸帶子泡菜卡邦尼 ($168)🔹Gentleman Lager ($59/HH)😋味道 7.8/10 😍回頭指數 7.5/10🔴Pizza Maru - 地址：旺角亞皆老街8號朗豪坊4樓3號舖 (仲有荃灣、銅鑼灣、元朗分店) @pizzamaruhk點擊圖片放大 ———❗️想搵返同地區👉🏻 #foodmarkerhk旺角❗️想搵返美食系列👉🏻 #foodmarkerhk美食圖鑑❗️所有貼文分享👉🏻 #foodmarkerhk--------------------Follow最新美食分享/ 歡迎報料、合作、試食邀請:FB: Foodmarker.hkIG: Foodmarker.hkEmail: foodmarker.hk@gmail.com--------------------
