搵食黎到中上環食串燒，店舖位於九如坊, 中環上環站行上去都係大概10分鐘左右，可能於處SOHO區，所以舖頭招牌得英文名，大家想去就要留意返啦 (我地去到嘅時候仲懷疑左一陣😂😂)店內都幾大坐得幾舒服架，油煙唔大，唔驚食到成身酒煙味～ ——❗️如果大家中意睇我地分享美食, 可以比個like同follow我地 IG➡️ Foodmarker.hk 大家的支持係我地繼續的動力😚 (更多相/ 影片在IG📸)——黎得食串燒, ➡️”厚切牛舌"係我地至愛😆 厚厚嘅牛舌好有咬口，佢仲要係中間嘅牛舌腩夠哂淋，燒到岩岩好味道唔錯架😋➡️”福岡味增松板豬"，松板豬肉質爽口彈牙，仲好香肉味，加埋味增去燒就更加惹味😍 ➡️”焦糖青蘋果鵝肝多士"，呢個都係比較多人叫嘅，鵝肝好大塊好邪惡，但係多士加左青蘋果又無咁油膩，表面仲要有焦糖嘅甜味，味道好有層次😍 ➡️”雞皮墨魚滑"呢個真係夠哂特別，誠意推介用雞皮包成條墨魚滑，外皮燒到脆，入面就夠哂爽滑彈牙仲要啖啖肉，味道一流👍🏻 ➡️”汁燒免冶雞肉軟骨棒"，仲有得揀係釀冬菇定係配蛋醬(月見)黎食，我地就叫咗蛋醬，啖啖免冶雞肉混入咗軟骨嘅爽脆，表面仲要加埋蛋醬嘅香滑，值得推薦👍🏻👍🏻 ➡️”孜然燒蒜蓉茄子"，蒜蓉滿滿咁鋪係表面，燒到成條茄子都好入味好淋，相當唔錯 ➡️”日本芝士年糕"都好出色，外脆內軟，一啖咬落去芝士流哂出黎嘅感覺真係勁邪惡 (返去又要跑多幾個圈😂) P.S: 仲做緊Sapporo啤酒買一送一，$48就有2杯，超抵，岩晒去一邊食串燒一邊飲野吹水😎🔸厚燒鹽燒牛舌腩 ($48)🔹焦糖青蘋果鵝肝多士 ($78)🔸雞皮墨魚滑 ($38)🔹汁燒免冶雞肉軟骨棒(附月見) ($38)🔸福岡味增松板豬 ($28)🔹孜然燒蒜蓉茄子 ($36)🔸日本芝士年糕 ($38) --------------------Follow最新美食分享/ 歡迎報料、合作、試食邀請:FB: Foodmarker.hkIG: Foodmarker.hkEmail: foodmarker.hk@gmail.com--------------------
