今日搵食黎到灣仔，一間近囍帖街嘅西班牙菜餐廳- Sueno雖然鋪頭細細，但裝修都好有格調，仲有開放式廚房架，環境都唔錯👍🏻點擊圖片放大 野食方面，我地叫咗➡️”香炸蟹波”，一上枱就知係即叫即整, 仲用足料, 一啖咬開滿滿都係一絲絲蟹肉，外皮外脆得黎又唔會太厚, 加埋d 汁夠哂惹味😋 小食我地仲叫咗➡️”西班牙蛋餅”，賣相比較精緻，蛋香味好出，蛋餅都好厚身，入面應該加左西班牙肉腸食得出有咸香，加埋沙津另有一番風味😁 主食我地就叫咗”烤乳豬”同”西班牙海鮮飯”，➡️”烤乳豬”就真係相當有驚喜，肉非常嫩滑，完全唔會有過老嘅感覺，皮雖然唔係廣東乳豬果隻脆皮，但薄薄一片，烤到大部油脂已經流走後都有一個好脆身嘅口感，強力推薦，黎到一定要試下😝😝而且伴碟仲有表面加左焦糖嘅菠蘿，食落就無咁油膩啦😎😎 而➡️”西班牙海鮮飯”有大有細兩個size, 方便因應人數選擇。配料都幾足, 細size都有6隻蜆、4隻蝦同一隻魷魚筒同帶子，飯嘅調味會偏咸，但加埋檸汁中和下，味道其實都唔錯，而飯量都唔少架，兩個人如果仲有其他主食會有少少勉強😅😅 🔹香炸蟹波 ($98)🔸西班牙蛋餅 ($88)🔹烤乳豬 ($338)🔸西班牙海鮮飯 ($288)😋味道 7.5/10 😍回頭指數 7/10🔴Sueno - 地址：灣仔皇后大道東137號地舖 @sueno_hk———❗️想搵返同地區👉🏻 #foodmarkerhk灣仔❗️想搵返美食系列👉🏻 #foodmarkerhk美食圖鑑❗️所有貼文分享👉🏻 #foodmarkerhk--------------------Follow最新美食分享/ 歡迎報料、合作、試食邀請:FB: Foodmarker.hkIG: Foodmarker.hkEmail: foodmarker.hk@gmail.com--------------------
