#旺角 #黃店 #cafe #良心小店 #黃店 #urbancafe 大量貓貓圖，慎入XD 最近一放假, 天氣就麻麻地, 冇咩地方好去, 我地又去左搵cafe玩, 今次介紹呢間良心貓cafe仲要連續2星期去左2次 入店前, 先要踏腳入門口部鞋機, 會自動有膠袋套住隻鞋, 幾衛生, 又唔驚踩到細菌比貓貓唔小心lam左 店內Keep住播放港台頭條新聞節目 (希望真的後會有期), 整間店都係貓貓嘅活動空間, 有好多隻肥嘟嘟嘅貓貓玩/ 被玩, 一入到去就有好多貓貓歡迎你, 有D仲趴係你食野張台到訓 仲要隔一陣又轉個pose再訓XD 完全進入無人之境, 部份貓貓都任摸唔嬲, 有D仲跳上餐枱陪食, 望住佢地食野都特別治癒! 野食方面, 一次過同大家分享返2次食嘅野, 有選擇困難症嘅人最岩揀食2人餐, 2個主食仲連前菜沙律、餐湯同飲品各2份, 3百蚊有找仲有貓玩, 勁抵呀! 前菜係菠蘿沙律, 是日餐湯南瓜忌廉湯, 好香濃, 仲食到南瓜絲, 一D都唔馬虎嫁!主食先揀左"溫泉蛋煙肉野菌配卡邦尼扁意粉", 黏度岩岩好又唔膩, 意粉軟硬度適中, 芝士醬汁加香滑蛋醬好濃郁, 溫泉蛋好通透, 吉穿佢同卡邦尼汁混合更好食, 配有大量蘑菇同煙肉好足料! 超推介呀! 另一主食就點左"巴馬火腿拉絲水牛芝士手工薄餅", 餅底香脆得黎又鬆軟, 水牛芝士做到拉絲效果, 芝味突出, 但Parma Ham份量就較少~ 小食拼盤係我地第2次去單點的, 一共有四款小食 (雞翼, 唐揚雞塊, 唐揚雞塊, 法蘭克福腸), 幾香口但唔太特別, 有少少炸過龍, 唔建議單點, 但如果點套餐可以+$28有2人小食拼盤, 只係冇左雞翼, 其他都齊, 相當抵呀!飲品方面, 套餐包$38或以下餐飲補差價, 我地點左"Oreo脆脆特濃凍朱古力", 朱古力控一定要試, 唔算太甜, 有滿滿碎朱古力同oreo脆脆, 飲完一啖又一啖XD 另外抹茶控嘅我地點少得叫左杯抹茶latte, 但就有少少失望, 飲落仲有抹茶粉沖唔開甘, 同唔太濃味, 可能係抹茶控嘅執著要求太高掛~第2次去仲點左"金文不芝士挪威煙三文魚意大利黑醋沙律", 份量好足, 煙三文魚幾新鮮, 仲有豆腐乾, 配上了沙律醋, 好開胃!2人餐 ($278): 連前菜沙律,餐湯同飲品各2份 -------- 溫泉蛋煙肉野菌配卡邦尼扁意粉 巴馬火腿拉絲水牛芝士手工薄餅 滋味小食拼盤 (套餐+$28加配/ 單點$88有埋雞翼) Oreo脆脆特濃凍朱古力 (套餐+$20) 抹茶拿鐵-熱 (套餐+$17) -------- 金文不芝士挪威煙三文魚意大利黑醋沙律 ($68)P.S: 就算疫情期都keep住好多人, 想去朋友最好提早訂位, 或去前打去問下仲有冇位啦~ 星期六/日/公眾假期最低消費$100/人, 餐廳用餐時間90分鐘, 又要食又要玩貓貓同影相, 真係幾充實下XD 所以短時間內已去左2次XD 不過餐廳坐位有d逼, 如果闊落少少會更好~如果大家中意睇我地分享美食, 可以比個like同follow我地 @foodmarker.hk , 大家的支持係我地繼續的動力 (一不小心又成了千字文，多謝睇到最後嘅你☺️)Urban Cafe - 地址：旺角彌敦道566-568A號僑建大廈2樓 Instagram: https://www.instagram.com/foodmarker.hk/ Facebook: https://www.facebook.com/foodmarker.hk/ #foodmarker #foodmarker_hk #foodmarker美食圖鑑 @urban.cafe.hk #黃色經濟圈 #旺角黃店 #吃貨 #食好西 #黃店地圖 #香港美食 #手機食先 #相機食先點擊圖片放大 +2
