好日唔嚟銅鑼灣，最近發現新開咗間西餐仲要喺正登龍街，本身期望好正常始終周圍都係西餐，但估唔到又做到啲佢先有嘅小特色嘢﹗我個人一睇完MENU 反而比較偏好佢哋設計嘅小食，例如係「冰梅醬燒魷魚筒」同「牛油果吞拿魚他他 青檸醬油」仲有其他小食都幾吸引㗎﹗但我哋人得兩個有機會下次再食～ 環境方面，呢度座位係非常非常大同多，好舒適但估唔到星期五得咁少人？﹗（起碼我食完覺得佢值得更多人知道囉﹗）冰梅醬燒魷魚筒 $138平時自己真係好少聽到冰梅醬，但原來真係有呢款中式醬味道甜中帶酸，配埋用西式燒魷魚筒，唔會太油，反而幾清甜魷魚都非常彈牙 唔知係咪因為個碟唔平，所以明明易切到底好難斷尾XD牛油果吞拿魚他他 青檸醬油 $78最驚喜可能係個攞盤，好架勢😂成個星球定殒石咁然後拎起個蓋就見到他他本人，冇Expect 70零蚊嘅小食攞盤咁有心味道都唔錯，清新開胃，而且呢個配搭都好健康 扇貝明太子意大利飯 $138驚喜嘅真係唔至一次，依「扇貝明太子意大利飯 」我腦入面嘅Picture絕對唔會諗到係呢個樣🤣扇貝原隻燒好上超級靚仲有啲金黃色嘅牛油明太子飯加咗櫻花蝦之後蝦仔味都好加分❣️OMG love it! 瑤柱蜆肉湯 $68 ✨瑤柱蜆肉都好足料新鮮熱辣 辣嘴咁上到啖啖都有瑤柱係勁香勁重鮮味 平時飲呢啲忌廉湯好似少啲會落瑤柱都好加分﹗ 清酒味淋飽油 鮮蜆麻辣意粉 $168佢嘅麻辣係絕對有驚艷到﹗﹗冇諗過夠麻夠辣之餘仲要夠味🤣真係色香味俱全，蜆鮮甜漲卜卜一啲唔乾水更重要係意粉質地都唔錯，而且醬油同味道都做到好平均分布點擊圖片放大 ICED PISTACHIO LATTE開心果LATTE $60飲過開心果飲品唔多，今次選係好滿意開心果味濃度好明顯飲到，又唔會太濃太甜反而好夾本身嘅奶底，個人喜歡💕 柚子抹茶流打 $58呢個配搭我會話好鐘意試啲新口味、試奇怪配搭嘅人會鍾意但飲開正路嘢嘅人就有機會唔慣呢種酸甜甜又有抹茶又有汽嘅配搭 原本抱住試新餐廳/試伏心態去，點知樣樣都估唔到咁有心思﹗價錢如果Main 意大利飯、$138/ $168 呢啲價位，銅鑼灣嚟講真係唔算貴算係性價比幾高而且唔係籠統嘢--------------------評分：4.4/5人均：$150-200The Vibe Room銅鑼灣登龍街1-29號金朝陽中心2期地下A號舖
