初初嘅第一印象，以為佢係都係打卡Cafe，原來係實力派Cafe﹗因為食咗三個Main 連甜品都幾好食😍 提起GRIND SIZE 你未必知旺角有呢間cafe,但如果講起有間白色Cafe門口有個霓虹燈窮字嗰間⋯⋯知了！平時經過幾次都未有機會試，今次試咗驚喜度十分高😎🤘🏻 蟹膏三文魚子•帶子·明太子手工意粉 呢個可以話正常水準，驚喜程度冇後面嗰兩個咁勁，首先蟹膏嘅部份都俾得幾多嘅，份量合理，而明太子醬汁嘅部份做得幾好，係每一個手工意粉都平均沾到，基本上唔使特別撈勻就已經分布得好好，帶子就正常！ 澳洲牛面頰 煎腸粉💛編輯推介！ 上面堆放咗好多火箭菜，牛面頰擺放得好整齊一行，最底嘅煎腸粉一睇煎到金黃色令人都幾期待😚食落真係勁香脆又煙韌 我最鍾意佢哋個沙嗲汁汁勁好食😭同埋估唔到個牛大大舊但可以滑到咁！撈埋個汁汁食勁開胃勁正 麻辣意粉 本地鮮蜆 食埋麻辣蜆肉意粉，發覺呢度主食嘅質素真係平均都很可以！特別每樣調味都好到位，麻辣味都幾出㗎 0食辣嘅人未必啱，但平時食小辣嘅我食得好過癮🤤🤤 仲有佢哋嘅蜆除咗大隻，更重要係本地！係本地鮮蜆呀！唔怪得隻隻都多汁又鮮甜，酒味都幾出！好啱口味 不是飲品•凍檸茶 好特別嘅甜品名😂食落好似係焙茶心太軟！唔會太甜，茶味香濃好食！ 香橙蜜柑梳打 果味夠濃，唔會太甜！ ------------ 評分：4.3/5 人均：$150-200 Dinner 回頭率：💛💛💛💛 菜色類型🌱Cafe/Coffee/甜品/日西式 GRIND SIZE 通菜街10號地舖 --------------------
