以前曾經幻想過，如果Cafe配小店咁做會幾得意，特別係每次整體髮嘅時候，起碼要坐 6個鍾呀（ 因為我每次都染同電）於是就諗如果有coffeeshop咖啡嘆吓就好，因為一唔好彩就係等到好餓🥺估唔到真係有地方係咁﹗Duet Cut X Cup 就係crossover咗 Salon嘅特色Cafe。交通好方便，黃埔站一轉彎行5分鐘就到～ 朋友喺門口經過都覺得佢門面好似salon 點知原來真係🤣門面簡約型格設計，畀人感覺好型格、乾淨嘅感覺。內在都係易黑白灰為主調，枱櫈都有夾返，感覺企理同埋好sync~Cafe 座位唔算好多，大概坐到 4枱左右印象中，加埋啲 bar台位。 嘢食擺盤幾用心，感覺幾精緻💛✨餐牌有意粉、包類同窩夫甜品可以揀～ ————————————————————🍝娘惹喇沙大蝦闊面 $108Nyonya Laksa Prawn Fettucine呢個係比想像中更有驚喜🥰，首先一上到嚟未食已經聞到勁香勁香🤤，即刻胃口大開，主要係個娘惹喇沙汁完美咁均勻散布喺闊面到，啖啖闊面都食到濃郁嘅醬汁，唔會太咸，仲好香蝦味我自己嘅話，就會想懶啲唔人十大中剝蝦殻，可能剝咗用牛油煎都正🤔﹗ 🥪煙燻手撕豬肉意大利軟包BBQ Pull Pork Panini $98呢個配搭平時出面唔算成日有，食落可以話又開胃又滿足，菠蘿汁令件件事更Juicy💦，估唔到咁夾手撕豬，味道同口感嘅層次都好豐富😛 🧇煙肉配脆糖香蕉窩夫 $88Bacon & Banana Crystal Waffle呢種又咸又甜嘅窩夫平時唔係咁常見，另外係我哋勁鍾意香蕉同窩夫呢個配搭，真係好難抗拒😛 Cappuccino咖啡一般有兩款豆揀，招牌嘅精品咖啡Duet Coffee二重奏，包括巴西或巴布亞新幾內亞咖啡豆/我哋兩款都試咗，朋友嗰款嘅豆就花香味勁啲，另一杯就比較似平時 Cappuccinno，口感味道都好醇厚，果香味出，唔會太苦或者太酸。 Iced Americano如果鍾意口感清爽啲嘅，叫Americano 就啱你！ 佢門口仲要戶外雅座～不過應該坐到 2個人左右，比較啱只飲一杯傾下計嘅人-------------Info-------------味道： ：🌕🌕🌕🌕🌗環境： ：🌕🌕🌕🌕🌑人均 $100-150Duet Cuts & Cups紅磡黃埔天地百寶坊(第3期)地下G28號舖
