就快到紀念日嘅我哋趁住開返晚市堂食，立即忍唔住發掘新餐廳，而今次嚟到位於天后嘅「申、居酒屋」，佢哋主打日式串燒及炸串，睇相環境好似幾靚幾有feel。位置相當方便，係天后地鐵站步行都不過 5分鐘就到，喺foodcourt側邊搭𨋢上，一出𨋢感受係環境比想像中更有情調，星期日去都竟然唔多人﹗﹗﹗靜得嚟又有昏暗嘅燈光同射燈，氛圍都好加分。 我哋揀咗懶有儀式感嘅二人餐🤣，價錢 $1080 每人都係 500幾蚊，初時覺得價錢都算中上，不過食到最後飽到覺得性價比算很不錯🤣⭐ 二人餐 前菜到甜品共10款 極滿足極飽【前菜】 唐揚魷魚鬚 新鮮炸起非常香脆，調味比較重啲，個人覺得好啱當佐酒小食 【沙侓 】海草沙律 配特調嘅果仁沙律醬，同平時食嘅沙律醬好唔同 【燒物】自家製免治雞肉棒 口感豐富，咀嚼嘅時候會食爽口嘅軟骨，沾埋醬汁食好fit~ 豆腐田樂 上面嗰啲係田樂雞肉醬，甜甜地食落幾好食，配埋豆腐好夾﹗豆腐田樂同免治雞肉串嘅醬汁都係用咗超高質可供生食肉嘅「曉」蛋黃，蛋汁得別濃郁同滑，顏色橙黃色好治癒 文化牛脷 ⭐小編超推介一開頭都唔知咩叫文化牛脷，嚟到店員有簡單講解其實用咗慢煮方法烹調，加上牛油果醬真係超級超級好食😭😭心底𥚃勇出好耐冇食過咁好食嘅口感同味道，慢煮牛脷嫩又香，加埋牛油果蓉嘅口感mix埋一齊真係﹗﹗好味到搵唔到形容詞🤣 原條喜之次鹽燒上枱嘅時候真係內心嘩咗出嚟，鹽燒到金黃色，睇落燒到好乾身，點知一夾開入面啲魚肉係好滑，整得啱啱好，而且都好香～ 穴子飯嚟到先醒起穴子係饅魚～佢原來來用咗炸嘅方法製作穴子，好有驚喜😍第一次食，而且非常鬆脆，完全唔過炸粉有over，穴子味道甜甜地，覺得如果鰻魚汁多返少少喺飯會更開心，整體都好好味，食埋仲超飽～ 蜆味噌汁大大隻蜆，非常鮮甜，味噌都唔會太咸，非常暖胃～ 紅豆雪糕、雲呢拿雪糕最後食甜品就真係大滿足💓雲呢拿香草味較濃，紅豆味反而味道比較清甜。 評分 - 二人餐味道：4.5/5環境：4.4/5性價比：4.2/5
