一次誤打誤撞同同事食中嘅新餐廳 ——台式料理「好吃吃光 Eat.Up 」位於大角咀嘅小店，我去完先知係朋友嘅中學師弟開，應該都係後生仔主理。 環境唔算好大，位置Setting偏逼，枱都唔大，同人對坐感覺都偏近的，但個感覺新夠企理，試業期間人流唔多，1點30左右lunch time 去到都仲有位。張枱都係啱啱好放到兩個盤。食物方面，呢度主打台式便當，以滷肉便當為主，亦都要醉雞捲便當等等，就冇台式面食，不過價錢都合理。 月見蚵仔滷肉飯面 $58蚵仔（如圖）幾Surprise係呢度嘅蚵仔「好大粒﹗」而且好飽滿漲卜卜🥰，滷肉份量亦都好多，仲有「月見」一粒蛋可以蛋汁撈飯🥚，餸同飯嘅比例都好好，唔會多飯少餸，有機會想再試🥰😍﹗ 藥膳醉雞捲飯 $58雞肉捲應該就係用咗雞脾肉整，雞肉嘅口感彈牙又嫩今次我試雖然食到淡淡嘅藥膳味👍，但略略覺得酒味偏淡🤏，唔夠入味，花雕香味可以重手好多，送飯食就更加好～不過試業期間有包容度，特別蚵仔嗰個幾吸引，希望下次再食醉雞捲會更入味﹗ 椒鹽花枝丸堂食滿 $120 送嘅﹗朋友同我都好鍾意食，椒鹽味啱啱好而且花枝味又幾出，口感亦好彈牙粟米芝士蛋餅蛋飯有驚喜，餅皮唔會太厚，餡料份量都有誠意，值得一讚係醬汁同平時唔同，酸酸甜甜咁好開胃，而且質地唔會太稠，好加分 冬系仙草茶微微嘅甜度啱啱好，而且有啲仙草咬下中和下飽肚感✨～
