Ocean Paradise Restaurant西貢宜春街20號地舖西貢的確係一個搵食既好地方，鐘意食西餐既朋友仔一定不能錯過😋不過，西貢唔少西餐就都係行高檔路線，又唔知係咪物有所值🙄最近終於俾我發現左一間平民隱世西餐，Ocean Paradise只係開業大約1年，但食物質素絕對不比其他係西貢屹立多年既西餐廳遜色❗️虎蝦帶子意大利飯 $168 價錢係唔算平，但份量係比普通西餐廳多好多 (平時果啲碟就大，意粉/飯就得一督😅)但依個飯當晚我地4個人食，每人都分到唔少😋 大大隻既虎蝦同帶子都好新鮮，risotto軟硬適中，忌廉汁煮得好輕身，一啲都唔溜!! 不得不提飯入面既bb露筍(大量)超新鮮，好少係餐廳會食到又爽口又無渣既bb露筍!! 香煎美國斧頭豬扒配脆薯塊 $188 去扒房食斧頭扒閒閒地都五、六百蚊，牛扒就再貴啲!! 當然依個斧頭扒無扒房果啲甘巨型，但我覺得依個size反而仲好，可以留番個胃試其他野! 個斧頭豬扒調味好足夠，煎得恰得好處，完全唔會乾，一切開係爆汁🤩 薯塊可以轉飯，之前係依度食過lunch，發現白咖哩汁好正，所以想老闆加配白咖哩，佢二話不說就加俾我地，依個就係小店既優點，特別有人情味☺️ 香烤時令魚配醃子薑醬油 $198 食西餐竟然會見到原條魚係碟😱不得不稱讚老闆既大膽創新👍我絕對係一個唔喜歡食魚既人，不過今次我好俾面條魚，因為個汁實在太惹味! 個汁既味道好有層次，甜酸辣都齊曬，帶出微辣味既醃子薑仲有種好特別既香味，非筆墨可以形容，強烈建議大家真係要去試下😉 老闆仲添左碗飯俾我地撈汁食😂本身依個菜式要預訂，不過老闆見我地想試，即刻就去左西貢街市買左條新鮮既魚!! 所以依條魚超級新鮮，魚肉係一片片嫁🐟甘用心既小店，必須要再幫襯😤 流心芝士心太軟配雪糕 $88 食完正餐當然唔少得甜品啦😋朱古力味既心太軟就食得多，芝士味既真係比較少見!! 一放上枱已經聞到勁香芝士味，急不及待切開流心餡 (急住食都無影到相😂)好濃既芝士味，配埋有啲脆口既外皮，加啖雪糕，好滿足呀!! PS 如果想更經濟地試下依間隱世西餐，下午會有lunch set，平均$70-$80有餐湯有野飲，的確好抵食👍
