What The Food Cafe粉嶺業豐街13號多利工業大廈1樓F室非一般creamy明太子忌廉意粉 $92之前都講過我極愛creamy既意粉，當然要試下佢有幾creamy啦!! 見到成堆🦀柳本身覺得有啲怪，但食落同個意粉又幾夾喎，果然係非一般!!意粉食食下有啲辣，懷疑佢係用左唐辛子，夠曬惹味😆 燒菠蘿芝芝牛肉漢堡包 $88依個burger十分有驚喜😍burger就最忌包硬肉乾，如果犯左依2個錯誤，無論配料整得幾出色都救唔番😌一咬個包勁鬆軟，塊漢堡都好juicy煎得好香，加埋好甜既燒菠蘿同拉絲芝士，真係絕配😋 炸雞翼配蜜糖芥末醬 ($68/5隻)爭d溜左介紹依一籃子雞翼❗️識我既人都知我勁鐘意食雞翼，依個雞翼炸得恰到好處，唔會令人有好熱氣既感覺🔥同時裏面又保持到好juicy既肉質 (係咪氣炸鍋既效果?) 不能不提個蜜糖芥末醬真係好正😭好濃既芥末味令人一點就上癲，都未食曬5隻雞翼就已經...點曬☺️ PS 逢星期一全店休息💛💛 店舖係工廈入面，有機會店員會問你係咪工廈既用戶，大家記得答係呀😉
