班戟館 (屯門)屯門井財街9號地下20B號舖食物: 9/10環境: 9.5/10服務: 9/10* 班戟館會不定期休息，枱都比較少，要先致電查詢同訂位喔好多次想懲罰班戟館💛都撞唔啱佢開門既時間，最近終於俾我食到啦😭抱住勁期待既心情去試，果然無令我失望!! 一入到餐廳見到甘靚既裝潢已經感受到店主既用心經營👍 同老闆夫婦傾開計得知佢地好鐘意去旅行，原來每一樣擺設都係佢係世界各地採購，務求令到每一位客人一入到餐廳都有賞心悅目既感覺。 梳乎厘pancake-熱戀 (配焦糖焗啤梨、焦糖雪糕) $85 先唔講味道，佢個擺碟真係好用心...好似藝術品甘靚，連粒🍓都切到朵花甘，未食就先勝一籌! 影完一輪相先捨得食，啤梨既表面係一層香脆既焦糖，連埋焦糖雪糕一齊食係完美既配搭😋到主角梳乎厘pancake啦!!! 好鬆軟好有空氣感依啲不在話下，超欣賞pancake表面既焦糖醬同焦糖脆脆(食落仲咸咸地)😱原來係老闆自創，加左海鹽! 我覺得甘既配搭好好，因為焦糖比較甜，加少少咸味就可以中和番味覺! 溫泉蛋忌廉菠菜意粉 $59 雖然係menu入面最平既一款意粉，但唔代表佢係普通貨仔!! 意粉軟硬適中，足料到每啖意粉都食到菠菜，個汁creamy得黎唔會好溜，話曬都要留肚食pancake😁千層軟芝士焗薯伴沙律 $55 唔好以為班戟館只得pancake食，其他食物都一樣出色! 值得一提既係千層軟芝士焗薯，將薯仔砌片夾住芝士，捲做花形🌹薯仔同軟芝士焗到燶燶地，味覺、視覺效果都一流
