Cocina 3 Tapas Restaurant & Bar大角咀海泓道1號奧海城三期地下G22號舖點擊圖片放大 +3 今日難得去奧海城行下，點知落雨落到嘔，咩心情都冇晒！所以決定要搵間好野食下。今次就黎到位於三期嘅西班牙餐廳。見佢裝修幾有氣氛，入到去職員都好有禮貌，價錢都唔算話好貴，最後決定叫左經典蟹肉他他、香煎北海道帶子伴加拿大海膽同西班牙焗乳豬飯，飲品點左杯Blue Diamond1.經典蟹肉他他擺盤唔錯，上層就係蟹肉中間係芒果，而最底層係牛油果，食落三層口感同味道非常夾，分開一層層試就食出材料新鮮，選料一流，蟹肉一d都唔腥，味道濃郁！我非常鍾意食。我個朋友平時唔太鍾意食蟹，佢都食唔停口😋😋 2.香煎北海道帶子伴加拿大海膽帶子大隻新鮮，食落爽口彈牙帶有啖啖牛油香！面層海膽鮮甜，連帶子及魚子／蟹子一齊食，又綿又爽口，好正！食完四隻唔夠喉呀，配菜都煮得好好食😍 3.西班牙焗乳豬飯乳豬d皮燒得好脆，一切落去，聽到d碎裂聲就已經覺得正！佢大隻肉多嫰滑，食落肥而不膩😍😍焗飯茄醬做底，食落酸酸甜甜，非常開胃！ 4.Blue Diamond荔枝味道，飲落清新，容易入口，食完成餐後，飲返幾啖，好爽😁 整體黎講，依餐係非常之好食，我好少會食唔停口，仲想加單！我食食得好滿足呀！加上餐廳氣氛好好，會值得我再次黎食🤩#大角咀美食 #奧海城美食 #西班牙餐廳#香港美食 #hkfood #油尖旺美食 #西餐 #美食推介 #大滿足❤️
