阿三大牌檔大埔舊墟直街4-20號美新大廈地下B1號舖 疫情爆左2年幾，搞到冇得去d街邊大排檔食野，因為都怕係街邊食易中招！今次竟然比我搵到一間位於大埔嘅室內大排檔，實在太好啦！一來唔駛坐街邊、二來又有冷氣嘆，最重要就係可以食到大排檔嘅美食😍😍由於實在太興奮，我同fd兩個叫左5碟野食🤣紅燒乳鴨、鐵板烤比目魚扒（龍蝦汁）、啫啫蜆芥牛肉煲、風沙九肚魚、蔥油燒魷魚筒仲加多支啤酒。1.鐵板烤比目魚扒（龍蝦汁）應該都冇咩大排檔會做鐵板，仲要係比目魚扒！一上枱不得了，好大塊扒，魚香撲鼻！淋上龍蝦汁，聽到炸炸聲，真係忍唔住流口水🤤🤤魚肉實肉嫰滑，一d都唔腥！龍蝦汁香濃，夾埋一齊食，正到脾呀！ 2.紅燒乳鴿我真係好耐冇食過乳鴿，估唔到依到有，仲要勁平，所以一定要叫黎食下！隻鴿燒得好好，肉同脂肪比例幾好，皮脆肉嫰，就算放耐左，都一樣咁好食！真係平靚正！ 3.啫啫蜆芥牛肉煲蜆芥或牛肉就食得多，但冇諗過2者加埋味道唔錯，個煲啫得幾好，一d都唔水汪汪，醬汁啫到可以掛晒上d牛肉到！正呀！蜆芥味好出，但又唔會遮晒牛肉味，牛肉處理得唔錯，鬆軟得黎又帶有咬口！依個正得一下。 4.風沙九肚魚我本身都唔鍾意食九肚魚，但我個fd好想食，所以陪下佢！外皮炸得爽脆，入面魚肉滑溜，風沙醬味到處理得好好，唔會太過鹹，又夠咸蛋香，九肚魚加埋個風沙醬一齊食真係食唔停口。 5.蔥油燒魷魚筒魷魚食得岩岩好，一d都唔會韌！醬汁味道岩岩好唔會遮左魷魚味！依個真心好食，唔講以為去左d居酒屋食咁😋 大排檔一定唔少得飲啤酒啦，叫左支純滑，天口熱飲一啖，條氣都鋸晒！最估唔到佢係比戰鬥碗黎飲，用碗飲個風味係唔同d🤩🤩 整體黎講，食物質素幾好，叫左5個餸加埋都係3百幾左右，好抵食！如果住附近都真係要黎試一試點擊圖片放大 +5 #大埔美食#香港美食#hkfood #港式#大排檔#戰鬥碗
