最近小編去咗銅鑼灣一間名叫深宵食堂嘅串燒店，位於百樂中心6樓，店舖位置唔多，七點已經滿座！去之前記得book定位～不過座位都寬敞，環境富有日本居酒屋風格🏮 而且冷氣好涼，坐得都舒服😌一開始小編點咗幾款小食，全部都係即點即做，都等咗一陣間～ 新鮮嘅炸物終於上枱🤩 芝士蝦球 $38蝦丸口感彈牙，中間有流心芝士，感覺幾特別！ 日式一口雞 $42推薦呢款炸雞！食得出係新鮮炸起！炸得鬆脆、雞肉唔乾、滿滿肉汁👏🏻 墨魚大阪燒 $42似食緊章魚小丸子😳有蔬菜同墨魚粒，細細份唔會太飽，未係去到好出色，但味道唔差！ 燒物方面就全部都好出色，燒得啱啱好，肉汁鎖緊，唔會燒到好乾，連隻汁都唔錯！提味之餘又唔會好鹹～汁燒金菇肥牛卷（3條） $38金菇同肥牛都保持juicy口感😍牛肉表面燒到微脆好正😚京蔥雞肉串（2串）$36雞肉要配埋京蔥一齊食！有驚喜喔！汁燒帆立貝 $38帆立貝都幾大隻～豚肉蘆筍卷 $38豬肉同蘆筍唔會燒到乾柴柴，好食！ 一口和牛串（2串）$78呢個好抵食！有兩串和牛、中間係少少粉紅色，非常多肉汁、滿滿脂香！值得encore！鹽燒雞軟骨串（2串）$32雞軟骨仲帶少少肉，脆卜卜😆 如果食量較大嘅朋友可能淨係食串燒會唔夠飽，咁就可以要多份主食～汁燒牛肉飯 $45 性價比都高，唔係求其淋啲牛汁上去！牛肉份量非常多！絕對夠撈飯🍚佢隻醬汁偏稠，但就唔會好鹹～仲有好多雞髀菇增加口感🤓食完就飽滿晒🤩 深宵食堂 (銅鑼灣)📍銅鑼灣耀華街百樂中心6樓☎️27993678
