之前係中環翻工個陣，見到間’李好味’已經好想試，一來想知似粗口嘅餐廳到底係食咩，二來上網見菜色啲名同款都好特別...然後我發現呢間餐廳有個素食ver.叫李好純...🤣🤣🤣呢到嘅3-course lunch menu($188)會有前菜，小食同主食，每個course有3款比你揀，其中一款需加$20-$30 FIRST COURSE1️⃣冷盤區~ 溫菇芝新-杏鮑菇絲粉皮🍄賣相幾新奇，有’內有乾坤‘嘅感覺😂搣到成絲嘅杏鮑菇，爽口嘅青瓜絲，成塊上碟嘅粉皮，加上芝麻醬，味道，口感都同雞絲粉皮真有幾分似 輕輕松松-松子菜粒配木薯脆片🌮(+$20)呢個千萬要一齊食，因為會好食n倍‼️松子嘅加入令菜粒味道更加香濃，配埋本身淡淡地，脆到似蝦片嘅木薯片，成道菜無論味道同口感都達到互相平衡嘅程度😋SECOND COURSE2️⃣小食區~ 黃金花-鹹蛋黃椰菜花🥦每一啖乾爽嘅椰菜花都食到又香又唔會過濃嘅鹹蛋黃味，覺得單調左少少嘅朋友可以配埋又入味又juicy嘅雜菌，再點埋creamy嘅南瓜蓉一同品嚐~ 長話短薯-腸粉配薯蓉🥔(+$20)打到滑一滑嘅黑松露薯蓉下面係撈左大量爽甜洋蔥嘅腸粉。整體幾新奇，但素魚子醬無話好特別，所以無話特別推介大家加錢揀呢款🤷🏻♀️THIRD COURSE3️⃣主菜區~ 婆婆麻麻-麻婆茄子豆腐🍆落左素豬肉碎之後，真係好似真嘅麻婆豆腐，食落每一啖都滑捋捋同充滿濃濃嘅四川風味🌶茄子炸完之後落左少少椒鹽，香口得來唔算油膩。 粗蔬大業-雜穀荷葉飯🍛(+$30)仲以為個飯會用真既荷葉包住…😢飯面落左鹹香嘅金針菇乾，令賣相更特別之餘味道亦唔錯。而飯入面除左相中所見嘅粟米同zucchini之外，仲有松子，提子乾同鮮百合，健康又有口感，味道亦比想像中濃😋 Lunch set仲包一杯冷/熱飲品，都係啲大路嘢。我地就嗌左熱檸茶同cappuccino。我就唔飲咖啡嘅，但朋友話呢杯咖啡都唔錯，一啲都唔馬虎👍🏻-小金pick：輕輕松松，婆婆麻麻，粗蔬大業人均：$188~價格：7.5/10 美味：8.5/10服務：7.5/10 - 李好純 (中環)中環威靈頓街198號The Wellington地舖
